आजदेखि लामो दुरीका सार्वजनिक यातायात सञ्चालन
सरकारले ६ महिनाअघि विश्वभरि महामारीको रूप लिएको कोरोना भाइरसको रोकथाम तथा नियन्त्रणका लागि गरेको लकडाउनसँगै बन्द भएका लामो दुरी तथा अन्तरजिल्ला सञ्चालन हुने सार्वजनिक सवारी साधन आजदेखि गुड्न थालेका छन् ।
२९ भदौको मन्त्रिपरिषद् बैठकले १ असोजदेखि सार्वजनिक यातायात (लामो दुरीसहित) सञ्चालन गर्ने निर्णय गरेको थियो। सरकारको सोही निर्णयपछि यातायात व्यवसायी र यातायात मजदुरले ५ महीना १९ दिनपछि सार्वजनिक सवारीसाधन सञ्चालन गरेका छन्। सरकारले कोरोना भाइरसको महामारीको समयमा ५० प्रतिशतसम्म भाडा बढाउन अनुमति समेत दिइसकेको छ ।
कोरोना भाइरसको नियन्त्रण तथा रोकथामका लागि ११ चैतदेखि अत्यावश्यकबाहेक सबै पेसा/व्यवसाय बन्द हुँदा सार्वजनिक यातायात पनि बन्द गरिएको थियो।
कसरी गर्ने सुरक्षित यात्रा ?
-सकेसम्म स्यानिटाइजर साथमा राख्ने।
-मास्क अनिवार्य लाउने।
-भाडा फिर्ता लिन नपर्ने गरी खुद्रा पैसा राख्ने।
-सामाजिक दूरी कायम गर्ने।
-अनावश्यक भीडभाड नगर्ने।
-एक लहरको सिटमा एक जनामात्रै वस्न पर्ने व्यवस्था अनुसार एउटा सिटमा एक जनामात्रै बस्ने।
