राप्ती नगरपालिकामा २४ करोडको चकलेट उद्योग स्थापना गरिने



 

पूर्वी चितवनको राप्ती नगरपालिकामा दुधको विविधिकरण गर्न सांँढे २४ करोडको लगानीमा चकलेट उद्योग स्थापना गर्ने तयारी गरिएको छ ।
वाग्मती प्रदेश सरकार र नगरपालिकाको सांँढे २४ करोडको संयुक्त लगानीमा उक्त उद्योग स्थापना गर्न लागिएको हो । राप्ती नगरपालिका वडा नम्बर ७ को साना किसान तथा कृषि सहकारीको जग्गालाई उद्योग स्थापनाका लागि छनौट गरिएको छ । दुधको उत्पादनलाई खेर जान नदिन र दुधको परिकारमा विविधिकरण गर्ने उद्धेश्यले चकलेट उद्योग स्थापना गर्न लागिएको वागमती प्रदेश सरकारले जानकारी दिएको हो ।

यसका लागि मंगलबार भूमिव्यवस्था,कृषि तथा सहकारी मन्त्रालय र राप्ती नगरपालिका बीच छलफल भएको वागमती प्रदेश दुग्ध विकास बोर्डका निर्देशक डाक्टर शरण पाण्डेले बताए । ‘मन्त्रालयमा राप्ती नगरपालिकामा चकलेट उद्योग स्थापना गर्ने बिषयमा नीतिगत निर्णय भएको छ , उनले भने प्रारम्भिक परियोजना प्रतिवेदन पनि तयार भएको छ ।’ डाक्टर पाण्डेका अनुसार उद्योग सञ्चालनमा ल्याउन २४ करोड ५० लाख लगानी अनुमान गरिएको छ । जसमा आधा लगानी प्रदेश सरकार र आधा लगानी नगरपालिकाको हुने छ । चितवनमा दुध उत्पादन क्षमता क्रमश बढ्दै गईरहेकोले यसलाई विविधिकरण गर्न र खेर नजाओस भन्ने हेतुले चकलेट उद्योग स्थापना गर्न लागिएको डाक्टर पाण्डेले बताए । उद्योगमा क्याड्बरी, ट्रफी , चकलेट लगायत गुणस्तरीय उत्पादन गर्नुका साथै पनीर , दही ध््यू,क्रीम लगायतका उत्पादनहरुलाई समेत निरन्तरता दिइनेछ ।

उनका अनुसार अवस्था सामान्य भए आउंँदो असोजसम्म वातावरणीय प्रभाव मुल्यांकनको काम र टेण्डर प्रक्रियामा लगिनेछ । एकबर्षभित्र उद्योग सञ्चालनमा ल्याउने लक्ष्य लिईएको छ ।
नेपालमा बार्षिक करौडौ रुपैयांँको चकलेट आयात भईरहेको र आयात प्रतिस्थापन गर्न किसानलाई प्रेरित गर्न चकलेट उद्योग स्थापना गर्न लागिएको मन्त्रालयका सचिव डाक्टर योगेन्द्र बहादुर कार्कीले बताए । ‘यो एउटा फरक प्रकारको उद्योग बन्नेछ, उनले भने, उद्योगले रोजगारी बृद्धि गर्न र आयात प्रतिस्थापन गर्न मदत पुग्छ ।’

नगरपालिकाका प्रमुख प्रभा बरालले प्रदेश सरकार र नगरपालिका चकलेट उद्योग स्थापना गर्न तयार भएको बताईन । नगरपालिकाको साना किसान तथा कृषि सहकारीको डेढ विघा जग्गामा चकलेट उद्योग स्थापना गर्न लागिएको जानकारी दिइन । उनका अनुसार आधा लगानीमध्ये नगरपालिकाको तर्फबाट सहकारी, किसानहरुको साझेदारीको रुपमा लगानी गरिनेछ । पहिलो चरणमा दैनिक ३० हजार लिटर दुध खरिद गर्ने विस्तारै यसको क्षमता बढाउंँदै लगिने बरालले बताइन । ‘उद्योग स्थापना गर्दा एकत दुध खेर जादैन बरालले भनिन,अर्कोकुरा किसानले निश्चित मुल्य पनि पाउंँछन ।’

चितवनमा बन्द हडताल र मूल्यका कारण बर्षेनी दुध खेर जाने र किसानले दुधको मुल्यको लागि आन्दोलन गर्न नपरोस भनेर चकलेट उद्योग स्थापना गर्न लागिएको बरालको भनाई छ ।

व्यवसायिक पशुपालक दुग्ध उत्पादक कृषक समाज नेपालका केन्द्रीय अध्यक्ष आनन्द न्यूरे उद्योग स्थापना हुनु चितवनका किसानका लागि राम्रो प्रयास भएको बताउंँछन । ‘यस्ता उद्योगहरु बन्नु राम्रो हो, न्यूरेले भने, यसले किसानलाई थप लगानी गर्न उत्प्रेरणा पनि मिल्छ ।’ बर्षेनी चितवनका दुग्ध उत्पादक किसानहरुले दुधको सही मुल्य नपाएको र दानाको मुल्य बढ्दे गएको भन्दै उनले सरकारले किसानमैत्री नीति ल्याउन र दुग्धजन्य उत्पादनलाई बिशेष प्राथमिकता राख्नुपर्ने बताए ।

चितवनमा अहिले झण्डै दैनिक ३ लाख लिटर दुध उत्पादन हुदै आएको छ । यहांँ पांँचसय भन्दा बढी व्यवसायीक दुग्ध किसान रहेका छन ।

प्रतिक्रिया दिनुहोस
एमालेको राष्ट्रिय महिला भेलाको तयारी पूरा

    नेकपा (एमाले) जनसंगठन समन्वय संयन्त्रको आयोजनामा यही जेठ १६ र १७

काठमाडौंमा नेपाली कांग्रेसको सरकारविरुद्ध प्रदर्शन

    नेपाली कांग्रेसले आइतबार काठमाडौंमा सरकारविरुद्ध प्रदर्शन गरेको छ । सहकारी ठगी

फार्म हाउस होटल र प्रभु बैंकबीच विशेष छुट सम्झौता

        आन्तरीक तथा बाहृ पर्यटनको प्रशस्त सम्भावना बोकेको साहसी पदमार्गीहरु

अर्थमन्त्रीले संसदमै बजेट पढ्नुहुन्छ : प्रमुख सचेतक बर्तौला

    सत्तापक्षले प्रतिपक्षीको अवरोध जारी रह्यो भने पनि संसदबाटै बजेट ल्याउने तयारी