उप-प्रमुख इमानसिह लामाले राजकुमार चेपाङको घर बनाईदिए

 

गत साउन १ गते नेपाली सेनाको कुटपिटबाट मृत्यु भएका राजकुमार चेपाङको घर आफ्नै लागतले बनाइदिने घोषणा गर्नुभएका राप्ती नगरपालिकाका उप-प्रमुख इमानसिह लामाले आज उक्त बन्दै गरेको घरको निरीक्षण गर्नुभएको छ । लामा सहित राप्ती नगरपालिका वडा न ०२ का अध्यक्ष श्यामसुन्दर उप्रेती , नेकपा युबानेता सुदिप रुवाली , राइफल युनिटीका अध्यक्ष गणेश तामाङ , नेपाल चेपाङ सगका प्रतिनिधि बलराम चेपाङ सहितको टोलिले अनुगमन गर्नुभएको हो । उप-प्रमुख लामले कति काम सम्पन्न भयो कति बाकी छ भनेर हेर्न आएको बताउनुभयो । उक्त घर बन्दा लाग्ने लागत आफ्नो तर्फबाट प्रदान गर्ने घोषणा गर्नुभएका लामाले आज निरीक्षण गर्नुभएको हो । सोही क्रममा लामाले रासनको लागि चाहिने रु ५००० समेत मृतकको परिवारलाइ हस्तान्तरण गर्नुभएको थियो ।