एकताविरूद्ध आत्मकेन्द्रित, गुटगत र स्वार्थी चलखेल किन ? सल्लाहकार थापा
प्रधानमन्त्री केपी शर्मा ओलीका प्रेस सल्लाहकार एवं नेपाल कम्युनस्ट पार्टीको केन्द्रीय प्रचार विभागका उपप्रमुख सूर्य थापाले पार्टीको एकताविरोधीहरूविरूद्धमा निर्मम बन्नुपर्ने संकेत गरेका छन । नेकपाको एकता नचाहनेहरूले विभिन्न आत्मकेन्द्रीत, गुटगत स्वार्थ पूरा गर्न चलखेल गरिरहेको तर्फ संकेत गर्दै सल्लाहकार थापाले एकताविरूद्ध आत्मकेन्द्रित, गुटगत र स्वार्थी चलखेल किन रु भन्ने प्रश्न समेत गरेका छन ।
थापाले भनेका छन ‘पार्टीमा सहमति, एकता र पारस्परिक सम्मान बढाउने हरेक सकारात्मक प्रयत्नमा सके खुला दिलले सहयोग गर्न अग्रसर भए हुन्छ, नसके आत्मकेन्द्रित, गुटगत र स्वार्थी चलखेलमा सक्रियता नदेखाउनु नै समयोचित र उपयुक्त कदम हुनेछ १ चेतना भया ११’ थापाले दुई जना अध्यक्षबीचको समझदारी, पारस्परिक विश्वास र सरसल्लाहबाट निकालिने निष्कर्ष नै नेकपाको हकमा विधानसम्मत, सही र संस्थागत प्रक्रिया रहेको पनि बताएका छन ।
उनले भनेका छन ‘दुई जना अध्यक्षबीचको समझदारी, पारस्परिक विश्वास र सरसल्लाहबाट निकालिने निष्कर्ष नै नेकपाको हकमा विधानसम्मत, सही र संस्थागत प्रक्रिया हो । विधि, पद्दति र संस्थागत कार्यपद्धति पनि यही हो । दुई जना अध्यक्षका बीच विवाद र अविश्वास बढाएर आफ्नो स्वार्थसिद्ध गर्ने दाउपेचमा कोही संलग्न भएर आफ्नो इतिहास, भूमिका र सार्वजनिक प्रतिष्ठालाई क्षयीकरण गर्ने भूल नगरेकै राम्रो होला ।’
थापाले पार्टी एकता र सहमतिको प्रक्रिया जे जसरी भए पनि अघि बढ्नु स्वयंमा निकै खुशीको कुरा रहेको बताउँदै यसमा कसैले तर, किन्तु, परन्तु, यद्यपि, तथापि भनेर असन्तुष्टि, गुनासो र भ्रर्त्सना गरेको स्वीकार्य नसकिने बताएका छन । उनले केही अघिसम्मको चार जनाको मोर्चा कार्यदल गठनसँगै तीन जनातिर खुम्चिंदै जानु सकारात्मक संकेत रहेको बताएका छन ।
