किराना पसलबाट कोरोना फैलिएपछी कोटेश्वरको असर्फी टोल सिल
काठमाडौंको कोटेश्वरस्थित असर्फी टोल सिल गरिएको छ । महानगरपालिका-३२ कोटेश्वरस्थित असर्फी टोलमा कोरोनाभाइरस संक्रमित बढेपछि उक्त टोल सिल गरिएको हो ।
साउन १८ गते किराना पसल सञ्चालक चार जनामा कोरोना पुष्टि भएपछि आसपासका घरमा बस्नेको स्वाब संकलन गरी पिसिआर परीक्षण गर्दा थप १३ जनामा कोरोना देखिएको हो।
वडा सदस्य हिरादेवी पोखरेलले दिएको जानकारीअनुसार थप १३ जनामा कोरोना पुष्टि भएकामध्ये १० जनालाई कीर्तिपुर र टेकुस्थित अस्पतालमा आइसोलेसनमा राखिएको छ। तीन जनालाई भने उनीहरूकै घरमा राखिएको हो।
कोरोना देखिएका अधिकांश मानिस कोठा भाडामा लिएर बस्नेहरू हुन्। उनीहरूमध्ये कतिपय मजदुरी गर्छन्। पछिल्लो समय काठमाडौं उपत्यकामा कोरोना संक्रमण बढिरहेको छ।
