मन्त्री भट्टले भने मेरो साथ प्रधानमन्त्री केपी ओलीलाई
सत्तारुढ दल नेपाल कम्युनिष्ट पार्टी (नेकपा) भित्रको विवाद चर्किदै जाँदा पूर्वमाओवादी नेता एवं उद्योग वाणिज्य तथा आपूर्तिमन्त्री लेखराज भट्टले प्रधानमन्त्री केपी शर्मा ओलीलाई साथ दिनुको कारण खुलस्त पारेका छन् ।
मन्त्री भट्टले बीबीसीसँगको कुरामा नेकपाका कार्यकारी अध्यक्ष पुष्पकमल दाहाल ‘प्रचण्ड’सँगको सम्बन्ध र अहिले प्रधानमन्त्री ओलीलाई साथ दिनुको कारणबारे खुलस्त पारेका हुन् ।
नेकपा स्थायी समितिका सदस्य समेत रहेका भट्टले बीबीसीसँग कुरा गर्दै पार्टी अध्यक्ष र प्रधानमन्त्रीबाट ओलीलाई हटाउन नहुने बताएका छन् ।
गत वैशाखमा नेकपाभित्र चित्र चर्किएको विवादका बेला बालुवाटार पुगेर प्रधानमन्त्री परिवर्तनको विपक्षमा रहेको धारणा राखेका उनी त्यसयता मौन थिए ।
उनी प्रधानमन्त्री निकट रहेको समाचारहरू आइरहँदा अन्तिममा आफूलाई साथ दिनेमा प्रचण्ड पक्ष आशावादी देखिन्थ्यो ।
‘प्रधानमन्त्रीलाई हटाइयो भने मुलुकमा अस्थिरता उत्पन्न हुन्छ, त्यसैले मेरो साथ प्रधानमन्त्रीलाई छ,’ पछिल्लो विवादमा चुपचाप देखिएका उनले बीबीसीसँग कुरा गर्दै भनेका छन्–‘पार्टी महाधिवेशन नहुँदसम्म एकजना हस्ताक्षरकर्ता (अध्यक्ष) नरहे त एकता भङ्ग भइहाल्यो नि ।’
