बादल, जनार्दन र लेखराजले प्रचण्ड गुट छोडे
नेकपा भित्रको विवादलाई लिएर अध्यक्ष पुष्पकमल दाहाल प्रचण्डले पूर्वमाओवादी समुहमा छलफल गरेका छन् । प्रचण्ड निवास खुमलटारमा पूर्वमाओवादी समुहका नेताहरुबीच सोमबार विहान छलफल भएको हो ।
प्रधानमन्त्री केपी शर्मा ओलीसँग गोप्य सहमति गरेको आरोप लागेपछि प्रचण्डले आइतवार चार सचिवायलय र १४ स्थायी कमिटीका सदस्यहरुसँग छलफल गरेका थिए । सोमबार पूर्वमाओवादी समुहसँग छलफल गरेको खुमलटार स्रोतले बताएको छ ।
खुमलटार बैठकमा पूर्वमाओवादी समुहबाट स्थायी कमिटीमा रहेका नेताहरु थिए । पूर्वमाओवादी समुहका तीन नेता भने प्रचण्डले बोलाएको बैठकमा पुगेनन् । सचिवालय सदस्य तथा गृहमन्त्री रामबहादुर थापा वादल, उद्योगमन्त्री लेखराज भट्ट र स्थायी कमिटीका सदस्य जनार्दन शर्मा बैठकमा नपुगेको स्रोतले बताएको छ ।
आफ्नो अन्य ठाउँमा काम परेका कारण बैठकमा आउन नसकेको जानकारी उनीहरुले प्रचण्डलाई दिएका थिए । अन्य सवै नेताहरु खुमलटार पुगेको थिए । तर त्यहाँ के कुरा भयो त्यो भने गोप्य राखिएको छ ।
