ओलीसँग कुनै सहमति गरेको छैन – प्रचण्ड
सत्तारुढ दल नेपाल कम्युनिस्ट पार्टी (नेकपा) अध्यक्ष पुष्पकमल दाहाल प्रचण्डले अर्का अध्यक्ष केपी शर्मा ओलीसँग आफूले कुनै सहमति नगरेको दाबी गरेका छन् । वरिष्ठ नेताद्धय झलनाथ खनाल, माधव नेपाल र प्रवत्ता नारायणकाजी श्रेष्ठलाई खुमलटारमा बोलाएर ओलीसँग कुनै सम्झौता नगरेको बताएका हुन् ।
प्रचण्ड निवास खुमालटारमा भएको बैठकमा प्रचण्डले छलफलका लागि महाधिवेशनको प्रस्ताव ल्याइएको तर कुनै सहमति भने नभएको बताएका थिए ।
शनिबारको बैठकमा प्रधानमन्त्री ओलीले अघि सारेको ‘अर्ली महाधिवेशन’को प्रस्तावमा प्रचण्ड लचक देखिएपछि दुबै अध्यक्षबीच सहमति भएको समाचार बाहिर आएको थियो । प्रधानमन्त्री तथा पार्टी अध्यक्ष ओलीको दुबै पदबाट राजिनामा माग्दै आएका प्रचण्ड शनिबारको बैठकमा नाटकीय रुपमा परिवर्तन भएका थिए ।
