पार्टीभित्र तत्कालका लागि युद्धविराम गर्नुपर्छ : जनार्दन शर्मा
नेकपाको विवाद उत्कर्षमा पुगेका बेला स्थायी कमिटीका सदस्य तथा प्रभावशाली नेता जनार्दन शर्माले पार्टीभित्रको विवादलार्ई थाति राखि कोरोना र विपत्मा जुट्नु पर्ने धारणा सार्वजनिक गरेका छन् ।
श्ुक्रवार विहान ट्वीटरमा आफ्नो धारणा राख्दै शर्माले कोरोना र विपत्का बेला पार्टीभित्रको किचलो छोड्नु पर्ने बताएका छन् । ‘आज फेरि अध्यारो पन्छिएर बिहानी झुल्किएको छ । पार्टी भित्रको किचलो अन्धकार संगै भुलिदिउ । अतिवृष्टि र कोरोनाको महामारीको बिपतबाट पार पाउन नयाँ सिराबाट काम थालौ’ सामाजिक सञ्जाल ट्वीटरमा उनले लेखेका छन् ।
नेकपाभित्र दुई अध्यक्ष केपी शर्मा ओली र पुष्पकमल दाहाल प्रचण्डबीच चर्काे मतभेद चलिरहेका बेला शर्माले यस्तो धारणा राखेका हुन् । उनको भनाईबाट नेकपाभित्रको विवाद साम्य हुँदै गएको संकेत गरेका थिए ।
काठमाडौंदेखि देशका बिभिन्न स्थानमा कोरोना समुदायमा फैलिन थालेको छ भने बाढी र पहिरोका कारण जनधनको क्षति हुन थालेको छ । कोरोना र जनधनका बेला पार्टीको विवादलाई अहि थाति राख्नु पर्ने धारणा राखेका छन् । उनले पार्टीभित्र तत्कालका लागि युद्धविराम गर्नुपर्ने धारणा राखेका छन् ।
