अखण्डले बाजी मारे, पत्रकारको कन्तबिजोग

हाम्रो इकोनोमि

 

प्रभावशाली सञ्चार माध्यम अन्नपूर्ण दैनिकमा सम्पादक को हुने भन्नेबारे केही दिन नेपाली पत्रकारिता बजारमा विभिन्न अनुमान चले । प्रधान सम्पादक हरिबहादुर थापाले पत्रकारको सुविधाको विषयमा विवाद भई राजिनामा दिएपछि अन्नपूर्णका मालिक रामेश्वर थापालाई तत्काल नयाँ सम्पादक छान्न मुश्किल परेको थियो । प्रकाशन गृहभित्र करिब आधा दर्जन सम्पादक भएपनि उनी कसलाई अघि बढाउने भन्नेमा हुन यकिन थिएनन् ।

भित्रबाट रेसमा सम्पादक अखण्ड भण्डारी र विकाश थापा थिए । २०७७ जेठ ३० गते शुक्रबारदेखि जेठ ३२ गते आइतवारसम्म यी दुई जनाको पक्षमा विभिन्न तहबाट लविंग जारी नै भयो । अन्नपूर्ण अनलाइनका सम्पादक विष्णु सुवेदी समेत यो खेलमा लागेका थिए । सुवेदीले बुटवलका सबै खाले नेताहरूलाई फोन गर्न लगाएकोले क्याप्टेन थापा थप तनावमा परेको एक पत्रकार बताउँछन् ।

बाहिरबाट कोही ल्याएर संस्था चलाउने सुरुमा योजना बनाएपनि प्रकाशक थापाको योजना विभिन्न कारणले पूरा भएन । भण्डारीलाई प्रकाशनकै सिइओ मानस घिमिरेले दह्रैसँग च्यापेका थिए । अख्तियारका प्रमुख नवीन घिमिरेका छोरा मानस केही वर्षदेखि उक्त प्रकाशन हाउसमा शक्तिशाली भूमिकैमा रहेका छन् । ती पत्रकारका अनुसार, मानसले भण्डारीको नियुक्तिपछि आफू सफल भएको सुनाइसकेका छन् । रेसमा रहेका अर्का पत्रकार विकाश थापालाई बोलाएर तपाइहरूले मलाई सपोर्ट गर्नुभएन, मैले अखण्डजीलाई बनाइ छाडें भनेर सुनाएका थिए । पछिल्लो लविंगमा विकाश हरिबहादुर पक्ष र अखण्ड मानसको पक्षमा सक्रिय थिए ।

अखण्डको नियुक्तिपछि विकाश थापा, चन्द्रशेखर अधिकारी, अर्थ ब्यूरो प्रमुख पुष्पराज आचार्यले राजिनामा दिइसकेका छन् । राजिनामा दिएर बसेका विकाशलाई मानसले अफिस बोलाएर आफूविरुद्ध लागेकोले सहयोग गर्न नसकेको सुनाएका थिए ।

त्यसो त, प्रकाशक थापाले संस्थाबाहिरबाट नयाँ अनुहार पनि खोजेका थिए । पछिल्लो समयमा पत्रकार जिवेन्द्र सिम्खडासँग एउटा च्यानलले कुरा राखेको उनी निकट स्रोतले जानकारी दियो । पत्रकार बालकृष्ण बस्नेतलाई पनि थापाले प्रस्ताव राखेको स्रोत बताउछ । नयाँ अनलाइनमा भर्खरै मुख्य भूमिकामा रहेकाले बस्नेतले सम्पादक बन्न अस्वीकार गरेको चर्चा छ ।
यहीबीचमा भण्डारीले अन्नपूर्ण भित्र र बाहिरी माहोल मिलाइसकेका थिए । क्याप्टेन थापाले थप खोजी नगरी उनैलाई सम्पादकीय नेतृत्व दिएका हुन् ।

कान्तिपुरबाट हाम्फालेर नयाँ पत्रिकाको व्यवस्थापन सम्हाल्न पुगेका सुनिल वशिष्ट त्यहाँबाट हिंडे । फनबाट नयाँ प्रकाशनमा चारजनाको टिम कान्तिपुरकै गौरी दाहाल, पुराना कर्मचारी कपिल भण्डारी गोविन्द ढकाल र विदुर अर्यालसहित विजनेस डाइरेक्टरको भूमिकामा प्रवेश गरेका थिए ।  तर सरुवातकै दिनबाट (कान्तिपुर, अन्नपूर्ण पोस्ट हँुदै  वरिष्ठ पत्रकार युवराज घिमिरेसंगै २०७६ मङ्सिर सरुवातदेखि देश सञ्चारमा ब्यवस्थापनको जिम्मेवारीमा  आफूले पाएको बिश्वास, जिम्मेवारी र सम्पादक घिमिरेलाई धोका दिन नसक्ने भन्दै) भण्डारी चाहिं नयाँमा सामेल नभएको बताइन्छ ।

नयाँ पत्रिकाबाट ६ महिनापछि मार्केटि¨ हेड गोविन्द अलगिए, ९ महिनापछि दाहाल कन्तिपुर टि भि को मार्केटि¨ हेडको भूमिकामा पुन कन्तिपुर ग्रुपमै प्रवेश गरेका थिए । एक बर्ष पुग्दा नपुग्दै वशिष्ट आफै  एपी–१ मा विजनेस डाइरेक्टरका रूपमा  भित्रिएका छन् । अहिले बजारमा मन्दी छाएपछि वशिष्टले अब फेरि कता हामफाल्ने हुन भन्ने चर्चा सुरु भएको छ ।

पत्रकारको कन्तविजोग
गैरव्यवसायिक मालिकहरूले संचालन गरेका ठूला मिडिया हाउसहरू अहिले रगत पसिना सिंचेका पत्रकारहरू कोरोनालाई बहाना बनाउँदै निष्काशन गर्न थालेका छन् । पत्रकारकै मिहिनेतले अढाई दशकमै अर्बपति बन्न सफल ब्रोडसिट दैनिकहरू प्राय सबैमा पत्रकार, कर्मचारीको तलब समस्या देखिएको छ । छोटो समयमा अर्बपति बन्न मिडिया मालिक बन्न सफल केएमजी (कान्तिपुर दैनिक), नागरिक, अन्नपूर्ण, नयाँ पत्रिका, राजधानी दैनिकलगायत प्राय सबै टेलिभिजनमा तलबको समस्या उस्तै रहेको उजुरीका चा¨ नेपाल पत्रकार महासंघमा  थुप्रिएपछि महासंघ श्रमजीवी पत्रकारको हितमा मैदानमा उत्रिने भएको छ ।

रातोपाटी, नेपालखबर, नेपाललाइभ, उज्यालो जस्ता अनलाइनले पनि पत्रकार कटौती, सुविधा कटौती गर्न थालेकाले पत्रकारको कन्तविजोग हुन थालेको गुनासो रहेको छ ।
कान्तिपुर, नागरिक, नयाँ पत्रिकासहित दैनिक पत्रिका, न्यूज २४ टिभीसहितका पत्रकारहरू न्यूनतम पारिश्रमिक निर्धारण समिति र नेपाल पत्रकार महासंघमा २०७६ फागुनदेखि तलब नपाएको लिखित उजुरी परेको बताइन्छ । ती दुवै निकायले ७ दिनभित्र पत्रकारले पाएको सुविधाको अवस्थाको विस्तृत विवरण मागेका छन् । ७ दिनभित्र मिडिया व्यवस्थापकले समाधान नखोजे मिलेर आन्दोलनमा जाने तयारीमा ती संस्था रहेको बुझिएको छ ।