प्रभु साहले भने राज्यमन्त्री यादवलाई पदबाट बर्खास्त गर्नुपर्छ



 

 

नेपाल कम्युनिष्ट पार्टी (नेकपा) ले प्रदेश २ का भुमी व्यवस्था, कृषि तथा सहकारी राज्यमन्त्री योगेन्द्र यादवलाई पदबाट बर्खास्त गर्न माग गरेको छ ।

आर्थिक अनियमिततामा संलग्न भएको आरोपप्रति जिम्मेवार हुनुको सट्टा आपराधिक रुपमा प्रस्तुत भएको भन्दै नेकपाले राज्यमन्त्री यादवको राजिनामा माग गरेको हो ।

शुक्रवार नेकपा प्रदेश २ का अध्यक्ष प्रभु साहले सामाजिक संजाल फेसबूकमार्फत प्रदेश सरकार लकडाउनमा पनि भ्रष्टाचारमा व्यस्त रहेको आरोप लगाएका थिए । शनिवार राज्यमन्त्री यादवले प्रेस विज्ञप्तिमार्फत अध्यक्ष साहलाई गालीगलौज गरी झुटा आरोप लगाएपछि नेकपाले पदबाट हटाउन मुख्यमन्त्री लालबाबु राउतसंग माग गरेको हो ।

अध्यक्ष साहका स्वकीय सचिव विजय यादवद्वारा जारी वक्तव्यमा राज्यमन्त्री यादवको राजिनामा माग गर्नुको साथै मानहानी तथा साइबर क्राइमको मुद्दा चलाउन समेत ध्यानाकर्षण गराइएको छ ।

‘राज्यमन्त्री योगेन्द्र यादवले आज निकालेको प्रेस वक्तव्यको सम्बन्धमा मेरो गम्भीर ध्यानाकर्षण भएको छ । नेकपा प्रदेश २ को अध्यक्ष माननीय प्रभु साहले हिजो सामाजिक सन्जाल मार्फत प्रदेश–२ सरकारको कृषि मन्त्रालय अन्तर्गत व्यापक अनिमियता भइरहेको बिषय उठाउनु भएको थियो । यस सम्बन्धमा सरकारको आधिकारिक धारणा आउनु पर्नेमा आज राज्य मन्त्रीले हाम्रा जनप्रिय नेता मा. प्रभु साहज्युमाथि हत्यारा देखी भ्रष्टचारी सम्मको तथानाम गाली गलौज गरी आफ्नो असली चरित्र छरलङ्ग पारेका छन’ वक्तव्यमा उल्लेख छ, ‘प्रदेश २ को प्रमुख प्रतिपक्ष दलको प्रदेश अध्यक्षको हैसियतमा त्यहाँ भइरहेको गलत क्रियाकलाप बारे प्रश्न उठाउदा त्यसको जवाफ दिनु र सुधारनुको सट्टा यसरी मानहानी एवं साइबर क्राइममै उत्रीनु दुर्भाग्य हो । यस्ता अपराधीलाई प्रदेश २ सरकारले तुरुन्त मन्त्री पदबाट हटाउन र कानुनी छानबीनमा सहयोग गर्न जरूरी छ ।’

अध्यक्ष साहले प्रदेशको कृषि मन्त्रालयको संलग्नतामै रौतहट लगायत प्रदेशभरीको कृषि ज्ञान केन्द्रमार्फत आर्थिक अनियमितता भइरहेको भन्दै छानबिन गर्न ध्यानाकर्षण गराएका थिए ।

 

प्रतिक्रिया दिनुहोस
प्रधानमन्त्रीलाई विश्वासको मत दिन्छौं : माधव नेपाल

     एकीकृत समाजवादीका अध्यक्ष माधवकुमार नेपालले प्रधानमन्त्रीलाई विश्वासको मत दिने बताएका छन्

नेप्से- ४५ अंकले वृद्धि, सवा ५ अर्ब कारोबार

    शेयर बजारमा रौनक फर्किएको छ । बजार साताकाे पहिलाे कराेबार दिन

अपाङ्गता भएका सम्पूर्ण व्यक्तिको स्वास्थ्य बिमा गराउने तयारीमा छौँ : मन्त्री चौधरी

    महिला, बालबालिका तथा ज्येष्ठ नागरिक मन्त्री भगबती चौधरीले अपाङ्गता भएका सम्पूर्ण

ट्राफिक प्रहरीको हत्यामा संलग्न ७ आरोपी सार्वजनिक

  ट्राफिक प्रहरी प्रभाग, दरबारमार्गमा कार्यरत प्रहरी जवान युवराज घिमिरेको हत्यामा संलग्नलाई समात्न