नेकपाले स्थायी कमिटी बैठक बुधबार बिहान ११ बजे धुम्बाराहीमा बस्ने
सत्तारूढ नेपाल कम्युनिष्ट पार्टी (नेकपा) ले स्थायी कमिटीको बैठक बोलाएको छ। पार्टी केन्द्रीय कार्यालय धुम्बाराहीमा बुधबार (भोलि) बिहान ११ बजे बस्नेगरी स्थायी कमिटीको बैठक बोलाइएको एक नेताले जानकारी दिए ।
यसअघि बैठक माग गर्दै २० जना स्थायी कमिटी सदस्यले अध्यक्षद्वयलाई लिखित पत्र नै पठाएका थिए । त्यसपछि गत वैशाख २० गते बसेको नेकपा सचिवालय बैठकले २५ वैशाखका लागि स्थायी कमिटी बैठक बोलाएको थियो । तर अध्यक्षद्वय केपी शर्मा ओली र पुष्पकमल दाहाल प्रचण्डाको सल्लाहमा प्रस्ताव तयार गर्न नभ्याएको भन्दै अन्तिम घडीमा स्थगित गरिएको थियो।
नेकपाको विधानमा तीन महिनाको अन्तरमा बैठक बस्नुपर्ने उल्लेख छ।
