गृहसचिवले कनिष्ट नातेदारलाई च्यापेपछि इन्स्पेक्टर बढुवामा ढिलाइ



 

अख्तियार दुरुपयोग अनुसन्धान आयोगबाट गृहमन्त्रालयमा सरुवा भएका सचिव महेश्वर न्यौपानेका कारण प्रहरीको इन्स्पेक्टरबाट डीएसपी बढुवामा बिलम्ब हुन पुगेको छ । २०७७ बैशाख १० मै डीएसपीबाट एसपीमा बढुवा सिफारिस भएको थियो । तर बढुवा भएका एसपीहरु पदस्थापन भएर काम सुरु गरिसक्दा पनि डीएसपी बढुवा हुन सकेको छैन । सचिव न्यौपानेले असईबाट आएका आफ्ना नाताले भतिजा पर्ने अति कनिष्ट इन्स्पेक्टर किरण न्यौपानेलाई बढुवा गर्ने अड्डी कसेका कारण बिलम्ब हुन पुगेको बताइएको छ । न्यौपाने २०६७ पुसमा इन्स्पेक्टर बढुवा भएका हुन् ।

त्यस्तै २०६७ मै इन्स्पेक्टर बढुवा भएका होम थापा र परशु मल्लले पनि गृहसचिव न्यौपानेमार्फत् दबाब दिएका कारण बढुवा बिलम्ब हुन पुगेको हो । असई र सई हुँदा आकर्षक स्थानमा बसी अकूत आर्जन गरेका उनीहरु साम दाम जे जे प्रयोग गरेर हुन्छ बढुवा हुने चलखेलमा छन् । यस्ता विवादित र कनिष्टलाई बढुवा गर्न सचिव न्यौपानेले दबाब दिने गरेकाले आइजीपी ज्ञवालीालाई सकस परेको छ । ज्ञवाली यस्तो अन्यायपूर्ण बढुवा गर्ने पक्षमा छैनन् ।

नेपाल प्रहरीमा ५६ डीएसपी पद रिक्त छन् । सरकारले अख्तियार दुरुपयोग अनुसन्धान अयोगमा डीएसपीका २ दरबन्दी थपेको र जेठ १ मा ३० बर्षे सेवावधिका कारण एक डीएसपी अवकाश हुँदा ५९ पद खाली छन् ।
यसअघि डीएसपी बढुवामा पनि सचिव न्यौपानेले कनिष्ट मोहन पोखरेलको नाम ल्याएका थिए । तर आइजीपी ज्ञवालीले मान्दैनमानेका कारण केही दिन बढुवामै बिलम्ब भएको थियो ।

सचिव न्यौपानेमाथि अख्तियारमा हुँदा र अहिले गृहमा आएपछि पनि पनि पदको दुरुपयोग गरी आफ्ना भान्जा सुजन पौडेलमार्फत् सेटिङ गर्ने र आयआर्जन गरेको रकम पनि उनैमार्फत् बालुवा खानीदेखि विभिन्न क्षेत्रमा लगानी गर्दैआएको आरोप छ ।
सचिव न्यौपानेले सशस्त्रका ठेक्कादेखि सरुवा बढुवाको लागि नरेश भट्ट नामका बीचौलियालाई प्रयोग गर्दैआएका छन् । भट्ट पनि न्यौपानेका विश्वासपात्रमध्येमा पर्दछन् ।

प्रतिक्रिया दिनुहोस
गृहमन्त्री लामिछानेलाई पदमुक्त गर्न माग गर्दै सर्वोच्च अदालतमा रिट दर्ता

  सहकारीको रकम हिनामिना र अपचलनमा जोडिएका उपप्रधान तथा गृहमन्त्री रवि लामिछानेलाई पदबाट

हाम्रो मागमा छलफल गरेर जाऔँ : कांग्रेस

    नेपाली कांग्रेसले प्रधानमन्त्री पुष्पकमल दाहाल प्रचण्डलाई सहकारीको रकम अपचलनबारे छानबिन गर्न

प्रधानमन्त्रीले गरेको छलफल निष्कर्षविहीन

    सदनको गतिरोध अन्त्यको प्रयासमा प्रधानमन्त्री पुष्पकमल दाहाल प्रचण्डले सत्ता पक्ष र

क्रिकेटर सन्दीप लामिछानेको भिसा अन्योलमा

    क्रिकेटर सन्दीप लामिछानेको आज पनि भिसाको काम अघि नबढ्ने भएको छ