नेपालमा थप ७ जनामा कोरोना पुष्टि, संक्रमितको संख्या १०९ पुग्यो
नेपालमा थप सात जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको संख्या १०९ पुगेको छ ।
स्वास्थ्य तथा जनसंख्या मन्त्रालयका सह–प्रवक्ता डा. समिरकुमार अधिकारीका अनुसार आज (शनिबार) राष्ट्रिय जनस्वास्थ्य प्रयोगशाला काठमाडौं र कोशी अस्पताल विराटनगरको प्रयोगशालामा गरिएको परीक्षणमा ७ जनामा कोरोना पुष्टि भएको छ ।
मन्त्रालयका सह–प्रवक्ता डा. अधिकारीले उदयपुर भुल्केमा १८, ४५ र ६५ वर्षका महिला र कपिलवस्तुमा १७, १८ र १८ वर्षका पुरुष र पर्साका ६२ वर्षीय पुरुषमा कोरोना संक्रमण पुष्टि भएको बताए ।
नयाँ संक्रमितहरुको स्वास्थ्य अवस्था सामान्य रहेको र उनीहरु स्वास्थ्यकर्मीको निगरानीमा रहेका छन् ।
