स्वास्थ्य सामाग्री सरकारले सोझै खरिद गर्ने, संकटमा बिरामीको जिम्मा सेनालाई



 

कोरोना (कोभिड–१९) भाइरस नियन्त्रण तथा रोकथामका लागि अतिआवश्यक स्वास्थ्य सामग्री प्रतिस्पर्धामार्फत र अपुग भएमा सरकार आफैले खरिद गर्ने भएको छ ।

आइतबार प्रधानमन्त्री तथा मन्त्रीपरिषदको कार्यालय सिंहदरबारमा कोरोना (कोभिड १९) भाइरस संक्रमण नियन्त्रण तथा रोकथाम समन्वय उच्चस्तरीय समितिले बसेको बैठकले स्वास्थ्य सामग्री प्रतिस्पर्धा मार्फत र अपुग भए सरकार आफैले गर्ने निर्णय गरेको हो ।

प्रधानमन्त्री तथा मन्त्रीपरिषद कार्यालयका सचिव एवं उच्चस्तरीय समितिका सदस्य सचिव नारायण बिडारीका अनुसार स्वास्थ्य सामग्रीय प्रतिस्पर्धा मार्फत र अपुग भएमा सरकार आफैले सोझै खरिद गर्ने निर्णय भएको बताए ।

यसैगरी, अहिले निर्धारण गरिएका क्वारेन्टाइन र राहतको मापदण्डलाई परिमार्जन गर्ने निर्णय समितिले गरेको छ । अहिलेको महामारीको बेला विरामी रिसिभ गर्ने जिम्मा नेपाली सेना र स्वास्थ्यकर्मीको टिमलाई दिने निर्णय समेत भएको सचिव बिडारीले बताए ।

१४ दिनसम्म क्वारेन्टाइनमा बसेकाको स्वाब परिक्षण गरेर मात्रै घर जान दिने समितिले जनाएको छ । तर परिक्षणमा कुनै विरामी देखिएको खण्डमा आइसोलेसनमा राख्ने काम हुनेछ । यो मुलुकभरका सबै क्वारेन्टाइनमा लागु गरिने उनले बताए ।

यसैगरी, समितिको बैठकले गाउँ गाउँमा रहेको ग्रामीण स्वास्थ्य स्वयम् सेवकलाई उचित भत्ता दिएर परिचालन गर्ने निर्णय गरेको छ । अहिलेको अवस्थामा गाउँ गाउँमा रहेका स्वास्थ्य स्वयम सेवकलाई समेत स्वास्थ्य कार्यालयले परिचालन गर्ने गरी अगाडी बढने भएको छ ।

सरकारले ११ चैत देखी लकडाउन शुरु गरेको छ । कोरोना भाइरसको संक्रमण विश्वव्यापी रुपमा फैलिरहेकाले त्यसको रोकथाम तथा नियन्त्रणका लागि लकडाउन गरिएको हो । कोरोना भाइरसको संक्रमण फैलिन नदिने उदेश्यले सरकारले २५ चैतसम्म लकडाउन गरेको छ ।

प्रतिक्रिया दिनुहोस
प्रधानमन्त्रीलाई विश्वासको मत दिन्छौं : माधव नेपाल

     एकीकृत समाजवादीका अध्यक्ष माधवकुमार नेपालले प्रधानमन्त्रीलाई विश्वासको मत दिने बताएका छन्

नेप्से- ४५ अंकले वृद्धि, सवा ५ अर्ब कारोबार

    शेयर बजारमा रौनक फर्किएको छ । बजार साताकाे पहिलाे कराेबार दिन

अपाङ्गता भएका सम्पूर्ण व्यक्तिको स्वास्थ्य बिमा गराउने तयारीमा छौँ : मन्त्री चौधरी

    महिला, बालबालिका तथा ज्येष्ठ नागरिक मन्त्री भगबती चौधरीले अपाङ्गता भएका सम्पूर्ण

ट्राफिक प्रहरीको हत्यामा संलग्न ७ आरोपी सार्वजनिक

  ट्राफिक प्रहरी प्रभाग, दरबारमार्गमा कार्यरत प्रहरी जवान युवराज घिमिरेको हत्यामा संलग्नलाई समात्न