प्रधानमन्त्री ओलीलाई डिस्चार्ज गर्ने तयारी
प्रधानमन्त्री केपी शर्मा ओली बुधबारसम्म डिस्चार्ज हुने भएका छन्। मिर्गौला प्रत्यारोपणपछि अस्पतालमा आराम गरिरहेका प्रधानमन्त्री ओलीको स्वास्थ्यमा क्रमिक सुधार आएकाले डिस्चार्ज गर्ने तयारीमा अस्पताल रहेको छ ।
अस्पतालबाट डिस्चार्ज नभएसम्म कसैलाई पनि भेट्न नदिने चिकित्सकहरूले बताएका छन्। मिर्गौला प्रत्यारोपणका लागि फागुन १९ मा प्रधानमन्त्री ओली अस्पताल भर्ना भएका थिए। उनको २० गते दोस्रो पटक मिर्गौला प्रत्यारोपण गरिएको थियो ।
