कोरोना भाइरसको चेकजाँच गरे पूर्वराजा र रानीले

हाम्रो इकोनोमि

 

विदेशबाट फर्किदै गरेका पूर्वराजा ज्ञानेन्द्र शाह र पत्नी कोमल शाहलाई कोरोना भाइरसको चेकजाँच गरिएको छ । थाइल्याण्डबाट फर्किदै गरेका पूर्वराजा ज्ञानेन्द्र शाह र पत्नी कोमललाई अन्तराष्टिय विमान स्थलमा चेकजाँच गरिएको हो ।

पूर्वराजाले कोरोना भाइरसको चेकजाँच गरेको भिडियो सार्वजनिक भएको छ । भिडियो सार्वजनिक गर्दै उनले विदेशबाट फर्किने सवैलाई कोरोना भाइरसको चेकजाँच गर्न सु्झाव दिएका छन् ।

विश्व स्वास्थ्य संगठन (डब्लुएचओ) ले नेपाललाई उच्च जोखममा राखेको भन्दै पूर्वराजा ज्ञानेन्द्र शाहले सवैलाई चेकजाँच गर्न आग्रह गरेका छन् । -WHO ले त्रासदीपुर्ण फैलीएको कोरोना भाईरस संक्रमण हुनसक्ने जोखिमयुक्त राष्ट्रमा हाम्रो राष्ट्रलाई समेत सुचिकृत गरेको छ । हामी सबै नेपालीहरुले यस भाईरससंग बच्नकोलागी उपयुक्त स्वास्थ जाँचहरु गर्न र गराउन मद्दत गरौं -भिडियो सार्वजनिक गर्दै पूर्वराजाले सामाजिक सञ्जाल ट्वीटरमा भनेका छन् ।

विदेशमा नेपाल आउनेलाई त्रिभुवन विमानस्थलमा चेकजाँच गर्न थालिएको छ । कोरोना भाइरस छिमेकी देश चीनमा फैलिएको लामो समयपछि नेपालको विमानस्थलमा चेक जाँच गर्न थालिएको हो ।