कोरोना भाइरसको कारण भोलीदेखि रसुवा नाका बन्द
नेपाल र चीनबीचको ब्यापारिक नाका रसुवागढी भोलीदेखि बन्द हुने भएको छ । नेपाल र चिनियाँ पक्षबीच भएको सहमतिअनुसार १५ दिनलाई नाका बन्द हुने भएको हो । कोरोना भाइरसको संक्रमण रोक्न दुई देशले यस्तो निर्णय गरेका हुन् ।
मंगलबार बिहान बसेको नेपाल प्रहरी, चिनियाँ प्रहरी र अध्यागमन कार्यलयका अधिकारीबीचको बैठकले बुधवारदेखि नाका बन्द गर्ने निर्णय गरेको हो । दुई देशका अधिकारीबीच बसेको बैठकले कोरोना भाइरसको संक्रमण रोक्न, केरुङतर्फ जाने सडकमा हिउँपरेको तथा ढुंगाहरू खस्ने भएकाले दुर्घटना हुन सक्ने र ल्होसार पर्वको कारण देखाउँदै नाका बन्द गरेको छ ।
नेपाल चीन आगमन प्रस्थान अनुमति पत्र लिएका रसुवाका नागरिक पनि नाका पारीसम्म मात्र जान पाउने रसुवाका प्रहरी नायव उपरीक्षक इन्द्रप्रसाद सुवेदीले बताए।
