सभामुख सापकोटाले भने एमसीसी अहिले नै पारित हुँदैन
सभामुख अग्नी सापकोटाले सपथ लिएलगतै पदभार ग्रहण गरेका छन् । पदभार ग्रहण गर्दै गर्दा उनले आफुमाथी लागेका आरोपका बिषयमा केही नबोल्ने प्रतिक्रिया दिएका छन् भने एमसिसि पारित गर्न हतार गर्न नहुँने बताएका छन् ।
सापकोटाले राष्ट्रपति कार्यालय शीतल निवासमा सभामुखको सपथ लिइरहेका बेला बाहिर भने प्रर्दशन भएको थियो । अधिकारकर्मीको प्रर्दशनलाई सापकोटाले स्वभाविक भएको प्रतिक्रिया दिएका छन् । लोकतन्त्रमा विरोध गर्न पाइने अधिकार भएको र अधिकारकर्मीले आफ्नो अधिकार प्रयोग गरेको बताए । ‘लोकतन्त्रमा विरोध भन्ने कुरा सामान्य हो, यसलाई अन्यथा लिन मिल्दैन’ उनले भने ।
पदभार ग्रहण गर्दै सापकोटाले एमसिसि पारित गर्न अहिले नै हतार गर्नुपर्ने कारण नभएको बताएका छन् । प्रधानमन्त्री केपी शर्मा ओली एमसिसि तत्काल पारित गर्ने पक्षमा छन् । तर सभामुख सापकोटाले भने हतार गर्न आवश्यक नभएको टिप्पनी गरेका छन् ।
