उपसभामुख माग्दै कमण्डलु लिएर भीख माग्न जाँदैनौ–मिनेन्द्र रिजाल
नेपाली कांग्रेसका नेता मिनेन्द्र रिजालले उपसभामुख माग्दै आफ्नो दल सत्तारुढ दल नेकपासँग नजाने बताएका छन् । प्रतिनिधिसभाको बैठकमा बोल्दै नेता रिजालले संविधानअनुसार एउटै दलबाट सभामुख र उपसभामुख हुन नपाउने ब्यवस्था भएको उल्लेख गर्दै उपसभामुखका लागि नेकपासँग भीख नमाग्ने बताएका छन् ।
कांग्रेसले उपसभामुखका लागि बार्गेनिङ गर्न उम्मेदवारी दिएन भन्ने बाहिर चर्चा चलिरहेको छ । उपसभामुख निर्वाचित गर्ने हामीसँग प्राप्त मत पनि छैन । तर उपसभामुख माग्दै सत्तारुढ दल नेकपासँग कमण्डलु लिएर गएका छैनौं र जाँदैनौ पनि ।’
कांग्रेस संसदीय दलको निर्णय सुनाउँदै रिजालले सभामुख पद तटस्थ रहनुपर्ने भएकाले आफुहरुले विरोधस्वरुप उम्मेदवारी नदिएका बताए । सभामुखका लागि आफुहरुसँग पर्याप्त मत नभएका कारण तटस्थ रहने पदमा विवाद शिर्जना नगरेको उनले बताए । सभामुखमा निर्विरोध निर्वाचित भएका सापकोटाको ब्यवहारअनुसार प्रतिपक्षले ब्यवहार गर्ने घुमारो चेतावी पनि दिए ।
‘सभामुखले संसदको गरिमा राख्नुहुन्छकि हुँदैन, तटस्थताको गरिमा राख्नुभयो भने हामी उहाँका पक्षमा उभिन्छौ, नभए लोकतान्त्रिक मुख्य मान्यताका आधारमा हामी आफ्नो भूमिका निर्वाह गर्दछौ ।
