देउवाको छाँया सरकारमा लफडा, गगन मन्त्रीबाट आउट
प्रधानमन्त्री केपी शर्मा ओली नेतृत्व सरकारको निगरानी गर्न प्रमुख प्रतिपक्षी नेपाली काँग्रेसले गठन गरेको छाया सरकार आफै छायामा परेको छ । देउवाको छाँया सरकारमा लफडा परेको छ । कुरा नमिलेपछि गगनलाई देउवाले छाँया सरकारबाट आउट गरेका छन ।
नेपाल कम्युनिष्ट पार्टी (नेकपा) अध्यक्ष समेत रहेका प्रधानमन्त्री ओली नेतृत्वको सरकारले गर्ने कामको निगरानी गर्ने, दवाव दिने उदेश्यले काँग्रेसले छाँया सरकारको गठन गरेको थियो । संघीय सरकारमा रहेका जति मन्त्रालय छन त्यसको समानान्तर रुपमा काँग्रेसले मन्त्रालय छुटयाउँदै मन्त्रीहरु चयन गरेको थियो ।
तर अहिले त्यो छाँया सरकार बेकामे भएको छ । काँग्रेसको छाया सरकार कहाँ छ अहिले खोजेर पनि नपाउँने भएको छ । काँग्रेस भित्रको आन्तरिक किचलोकै कारण छाया सरकार हराएको हो ।
कांग्रेसले अहिले पार्टीभित्रको आन्तरिक किचलोलाई मिलाउन सकेको छैन । पार्टीभित्र गुटबन्दीका साथै मनोमानी बढदै गएपछि कांग्रेसलाई बाहिर हेर्ने फुर्सद नै छैन । त्यसैले प्रतिपक्षी दल कांग्रेसभित्रै छाँया सरकारको विषयमा टिप्पणी हुने गरेको छ । छाँया छाँयाभन्दा पनि धमिलो पो देखिन थाल्यो भन्दै ।
आफ्नै पार्टीको आन्तरिक कलह मिलाउदैमा सकस परेको कांग्रेसलाई सरकारको कामलाई निगरानी गर्ने फुर्सद छैन । पार्टी सभापति शेरबहादुर देउवामाथि अहिले पार्टीको १४ औं महाधिवेशन, बिभाग गठन लगायतका काममा मनोमानी गरेको आरोप लगाउँदै वरिष्ठ नेता रामचन्द्र पौडेल समुहले बैठक नै बहिष्कार गरेका छन् ।
सभापति देउवाले पेलेरै जाने रणनीति अपनाएपछि बरिष्ठ नेता पौडेल र पुर्व महामन्त्री कृष्णप्रसाद सिटौलापक्षले जिल्ला सभापतिहरुको भेला बोलाई देउवापक्षलाई दबाब दियो । जसका कारण देउवा अहिले लचिलो बनेका छन् । केन्द्रीय समितिको बैठक बहिस्कार गरेपछि भातृसंगठनको निर्वाचनका साथै विधानको केही धारा नै निलम्वन गरेपछि पौडेल–सिटौला पक्षले तीव्र असन्तुष्टि जनाएका थिए ।
सोही कुरालाई लिएर कांग्रेसभित्र आन्तरिक किचलोले जरा गाडेको थियो । बहुमत जिल्ला सभापतिहरुको भेला बोलाएर पौडेल–सिटौला पक्षले शक्ति प्रदर्शन गरेपछि देउवा गलेका छन् । अहिले असन्तुष्ट पक्षलाई फकाउनको लागि दैनिकजसो भेला र बैठक बोलाउँदै आएका छन् । यद्यपी ठोस निष्कर्ष भने निस्किन सकेको छैन ।
यसरी आन्तरिक किचलोमै अल्झेको कांगैसले सत्तारुढ नेकपाका मन्त्रीहरुले हाँकिरहेको मन्त्रालयको विषयमा चियोचर्चा गर्न कहाँ फुर्सद पाउनु र ? हो यही कारण छाँया सरकार अहिले निकम्मा नै सावित भएको भन्दै कांग्रेसभित्र र बाहिर चर्चा चल्ने गरेको छ । कांग्रेसलाई पार्टी चलाऊँ कि छायाँ सरकार चलाऊँ ? भएको छ ।
सरकारको गतिविधि निगरानी गर्न गठन भएको छाया सरकारभित्रै अहिले भाडभैलो भएको छ । पार्टीका साथै छाया सरकारमा समेत किचलो भएकाले काँग्रेसको आलोचना समेत भईरहेको छ ।
