ओली, प्रचण्ड र देउवा बालुवाटारमा, के पक्दैछ खिचडी
सत्यनिरुपण तथा मेलमिलाप र बेपत्ता खोजबिन आयोगमा पदाधिकारी चयनका लागि सहमति कायम गर्न शीर्ष नेता फेरि जुटेका छन् । प्रधानमन्त्री निवास बालुवाटारमा कांग्रेस नेताहरुसहित बैठक बसेको प्रधानमन्त्री केपी शर्मा ओलीका प्रेस सल्लाहकार सूर्य थापाले बताए । उनका अनुसार बैठक महत्वपूर्ण निर्णयमा पुगेको छ । यसले पदाधिकारी सिफारिसमा कुरा मिलेको संकेत गरेको छ । बैठकमा ओलीसहित कांग्रेस सभापति शेरबहादुर देउवा, नेकपा अध्यक्षा पुष्पकमल दाहाल ‘प्रचण्ड’लगायत नेता सहभागी थिए । शुक्रबार पनि शीर्ष नेताहरुबीच बालुवाटारमै छलफल चलेको थियो ।
