अधिकांस निजी बिद्यालय ईशाई धर्मका प्रचारक

 

 

अधिकांस निजी बिद्यालय ईशाई धर्मका प्रचारक जस्तो देखिएको भन्दै आलोचना बढ्न थालेको छ । फरक धर्म मान्ने आँफ्ना बालबालिकालाई बिना अनुमति ईशाई धर्मावलम्वीको पोशाकसहित कार्यक्रममा सहभागी गराएकोमा अभिभावक समेत असन्तुष्ट देखिएका छन । अघिल्लो दिन अबोध बालबालिकालाई सहभागी गराएर कार्यक्रम गरेका अधिकांस निजी बिद्यालयले क्रिसमसका लागि बिदा समेत दिएका छन । तर सामुदायीक बिद्यालय भने बुधवार पनि नियमित संचालनमा छन ।

जबकि सरकारले स्पष्ट रुपमा ईशाई धर्म मान्नेहरुलाई मात्र एक दिनको बिदा दिएको छ । यस्तोमा प्रश्न उब्जिएको छ –“के सबै निजी बिद्यालयमा अध्यनरत बिद्यार्थी ईशाई धर्मावलम्बी हुन ? होईनन भने किन सबैलाई सार्बजनिक बिदा ?”। शिक्षा आर्जन गर्ने थलोलाई अमुक धर्म प्रचार गर्न दुरुपयोग गरिएको भन्दै सामाजिक संजालमा समेत यसबारे चर्को बहस भईरहेका छन । पश्चिमाहरुको सिको गर्दै बालबालिकाको कलिलो मस्तिष्कमा अमुक धर्मको छाप पार्ने काम अबैध भएको कतिपय शिक्षाबिदहरुको दाबि छ ।

शिक्षाबीद मन वाग्लेका अनुसार निजी बिद्यालयहरुमा धर्म प्रचारको शैलीमा हुँदै आएका सम्पूर्ण कृयाकलापहरु नियमन गर्नुपर्ने आवश्यक्ता छ । वाग्लले यसलाई मनोरञ्जनको नाममा पश्चिमा सस्कृति लाद्ने दुष्प्रयासको संज्ञा समेत दिनुभयो । निजी बिद्यालयहरु ईशाई धर्म प्रचारक जस्तो देखिएकोबारे आँफु लगायतले पटक–पटक सरोकारवालाहरुको ध्यानाकर्षण गराएको शिक्षाबीद वाग्लेको भनाई छ । धर्म परिवर्तन र प्रचारका लागि गरिने हरेक अनूचित कार्यलाई प्रष्ट बर्जित गरेको सरकारले निजी बिद्यालयमा खुलेआम भईरहेका यस्ता गतिबिधी नदेख्नु दुखद भएको वाग्लले उल्लेख गर्नुभयो ।