विवाह गरेको ७ महिनामै आमा बनिन् ‘चपली गर्ल’
‘चपली गर्ल’को ट्याग पाएकी अमेरिका बस्दै आएकी नायिका विनिता बराल आमा बनेकी छन् । बिनिताले छोरीको जन्म दिएको उनी आफैँले सामाजिक संजालमार्फत जानकारी दिएकी छन् । छोरीको नाम ‘काया’ राखेको जानकारी दिँदै बिनिता आफ्नो र छोरीको स्वास्थ्य पनि राम्रो रहेको बताएकी छन् ।
केहीवर्षअघि अध्ययनको लागि अमेरिका गएकी उनको त्यहाँ तिलक पौडेलसँग प्रेमसम्बन्धमा थिइन् । यहि वर्षको जेठमा प्रेमी तिलक पौडेलसँगको तीन वर्ष लामो प्रेम सम्बन्धलाई उनले विवाहमा परिणत गरेकी थिइन् । विवाह हुनुभन्दा केही वर्षदेखि नै उनीहरु साथमा बस्दै आएका थिए । स्याङ्जाका स्थायी बासिन्दा तिलक अमेरिकाको ‘ग्रिन कार्ड होल्डर’ हुन् ।
चलचित्र ‘चपली हाइट’मा काम गरेपछि निकै नै चर्चामा रहेकी विनिताका यसपछि कुनै पनि चलचित्र सफल भएनन् । उनले टोखामा तरकारी खेती समेत गरेकी थिइन् । तर, कृषि पेशा पनि उनका लागि फलदायक रहेन
