आठ किलो सुनसहित विमानस्थलबाट दुई चिनियाँ नागरिक पक्राउ
आठ किलो सुनसहित त्रिभुवन विमानस्थलबाट दुई चिनियाँ नागरिक काठमाडौंबाट पक्राउ परेका छन् ।
गए राति त्रिभुवन विमानस्थलबाट दुई जना चिनियाँ नागरिकलाई आठ किलो सुनसहित समातिएको विमानस्थल प्रहरीले जानकारी दिएको छ ।
नेपाल एयरलाइन्सको विमानमार्फत् हङकङबाट नेपाल आएका उनीहरु विमानस्थल भन्सारमा चेकजाँचको क्रममा पक्राउ परेका डीआईजी सूर्य उपाध्यायले जानकारी दिएका छन् ।
अनुसन्धान जारी रहेकाले बाँकी विवरण पछि उपलब्ध गराइने प्रहरीले जनाएको छ । तर, नेपाल सुन ल्याउनका लागि उनीहरुले रातको समयलाई सुरक्षित हुने अनुमान गरेको हुनसक्ने जनाइएको छ ।
