वायुसेवा निगम सुधारको प्रतिवेदन मन्त्री भट्टराईलाई हस्तान्तरण
नेपाल वायुसेवा निगमको सुधारका लागि सुझाव दिन गठन भएको कार्यदलले आफ्नो प्रतिवेदन बुझाएको छ । पर्यटनन्त्री योगेश भट्टराईलाई बुधबार प्रतिवेदन हस्तान्तरण गरिएको हो ।
प्रतिवेदन बुझ्दै मन्त्री भट्टराईले निगमको सुधारको प्रयास शुरु भएको बताए । ‘हाम्रो एकल निर्णयले सुधारको काम सम्भव हुँदैन,’ उनले भने,’ अब व्यवस्थापन, कानुनी, आन्तरिक सुधारमा पनि लाग्नुपर्छ । हाम्रो ध्यान अब त्यतातिर जान्छ ।’
उनले निगममाथि अब नेपाल सरकारले दायित्व बढाउने बताए । निगले सरकारसँग लगानी रहनेगरी २० अर्ब अनुदान मागिरहेका बेला मन्त्री भट्टराईले निगममाथि दायित्व बढाउन सरकार सकारात्मक रहेको बताए ।
‘यसमा एउटा मात्र अवस्था बिश्वासिलो आधारमा दायित्व थप्ने हो । व्यवस्थापकहरुले बिश्वासिलो आधार दिनुपर्छ । सरकार दायित्व थप्न तयार छ ,’ उनले भने ।
‘निगममा सरकारको वर्चस्च्व हुने गरी मात्र विदेशी रणनीतिक साझेदार भित्राउने हो । अब यसका लागि सर्वसाधारणबाट पनि सुझाव माग्छौं,’ उनले भने,’तत्काल सम्भव हुने काम अब सुधार गरिहालौं, म त्यसको शुरूवात गर्न निर्देशन दिन्छु ।’
