पूर्व अध्यक्ष खिलराज रेग्मीलाई मातृशोक
मन्त्रिपरिषद्का पूर्व अध्यक्ष खिलराज रेग्मीलाई मातृशोक परेको छ । उनकी ममतामयी आमा चित्रकुमारी रेग्मीको उपचारका क्रममा गए राति मिनभवनस्थित निजामती कर्मचारी (सिभिल) अस्पतालमा निधन भएको अध्यक्ष रेग्मीका प्रेस संयोजक राजेन्द्र पाण्डेले जानकारी दिए ।
केही समयदेखि मुटुरोगको उपचार गराइरहेकी ९० वर्षीया रेग्मीको उपचारका क्रममा निधन भएको हो । स्व. रेग्मीका तीन छोरा र चार छोरी छन् । उनको पार्थिव शरीरलाई गए राति नै पशुपति आर्यघाटमा अन्त्येष्टि गरिएको छ ।
