हनीमुनको फोटो सार्वजनिक भएपछि राखी किन मौन ?
बलिउड अभिनेत्री राखी सावन्तको विवाहको समाचार तस्बिरसहित गत साता आउँदा उनले खन्डन गरेकी थिइन् ।
आफूले एउटा विज्ञापनका लागि बेहुलीका रूपमा मोडलिङ गरेको राखीले बताएकी थिइन् ।
तर, यतिबेला उनी सिन्दूर लगाएर मंगलसूत्र र चुरासहित विवाहित नारीको भेषमा हिँडेको तस्बिर सञ्चारमाध्यमले बाहिर ल्याएका छन् । उनका हनिमुनका केही फोटोसमेत बाहिरिएका छन् ।
हनिमुनको फोटो बाहिर आएपछि राखी चुप भइन् । अन्ततः उनी आफैंले हनिमुनका थुप्रै फोटो इन्टाग्रामबाट सार्वजनिक गरिन् ।
गैरआवासीय भारतीय नागरिक रितेससँग उनले विवाह गरेको चर्चा छ । यसबारे राखीले अझै केही बताएकी छैनन् ।
विवाहको एक घण्टापछि बच्चा
जन्मियो, ८ बजे बिहे ९ बजे छोरीको
जन्म
अमेरिकामा एक मेयरले एक जोडीको बच्चा जन्मनु एकैछिन अघि विवाह गराइदिएका छन् ।
अमेरिकाको इन्डियाना, साउथ बेन्डका मेयर पेटे बुटिगिगले मेरी र गाबेले बिहान सवा आठ बजे आफ्नो अफिसमा आएर बच्चा जन्मनु अघि विवाह गराइदिन आग्रह गरेको जानकारी दिए ।
अफिसका अन्य कर्मचारी साक्षीको रुपमा उपस्थित भए भने औंठी तयार नभएकाले एक अर्कालाई रिबन लगाइदिएर विवाह बन्धनमा बाँधिए ।
त्यसपछि मेरीले डाक्टरसँग ९ बजेको समय लिइन् । उनले छोरीलाई जन्म दिएकी छिन् । जेड क्याथरिन जोन्स साउथ ब्रेन्डकी सबैभन्दा नयाँ निवासी भएको मेयर बुटिगिगले आफ्नो फेसबुक पेजमा लेखेका छन् ।
उनले बालिकाको तस्बिर पोष्ट गर्दै लेखे, ‘मेरो कार्यकालको समाप्तिमा मलाई यो कुरा विशेष याद रहनेछ । नवविवाहित र नयाँ आमा–बुवालाई बधाई । जेड, तिमीलाई यो मायालु संसारमा स्वागत छ ।’
