ट्राफिक कुट्ने नेपाल आर्मीका उच्च अधिकारीलाई जनताले सडकमै गरे रामधुलाई [भिडियोसहित]
राजधानी काठमाडौको धरहराबाट दाहनेतर्फको गल्ली हुँदै डल्लु जाने बाटोमा अलिक अनौठो दृष्य देखियो । साँधुरो बाटोमा पानीमा भिज्दै ट्राफिक जाम हटाई रहेका थिए एक ट्राफिक प्रहरी । केही पर नेपाल आर्मीका उच्च तहका अधिकृत आए र बीच बाटोमा नै बाईक छोडेर आफ्नो काममा गए ।
त्यहाँ लामो समय सम्म सडक जाम भयो । यात्रु रिसले मुर्मुरिए । ट्राफिक प्रहरी आएर बाईक कसको हो भनेर बारम्बार कराए । बाईकमा ह्याण्डल लक गरिएको थियो । केही स्थानीय र ट्राफिक मिलेर बोकेर हटाउन खोजे । तर सम्भव भएन । ट्राफिकले घर–घर, सटर–सटरमा सोधि सके की बाईक कसको हो ? तर कसैले जवाफ दिएन ।
झण्डै ४५ मिनेटपछि ढल्किदै नेपाली सेनाका अधिकृत बाईक तर्फ आए र बाईक चलाएर लिएर जान खोजे । तर त्यो हुर्मत भइसकेपछि ट्राफिक दाईले छोड्ने कुरै भएन । उच्च अधिकारी नै भएपनि ट्राफिक दाईले बाईकको चावी खोसे । रवाफ देखाउदै त को होस् मलाई चिनिस् भन्दै ट्राफिक प्रहरीतर्फ ति सेनाका अधिकारी खनिए ।
त्यो देखेपछि सबै स्थानीय जनता नेपाल आर्मीका ती अधिकारीलाई सडकमै रामधुलाई गर्न खोजे । घम्साघम्सी, धकेलाधकेलमा पछि बाईकको चिट काट्ने सहमति जुट्यो तर घटना साम्य भयो । उक्त भिडियोको केही अंश यहाँ हेर्न सक्नुहुँनेछ ।
