शिल्पाकै कारण रेखा संग डिभोर्स, आफु नै अन्यायमा परेको भन्दै छबि आए मिडियामा (हेर्नुहोस भिडियो)

 

करिव १ साता भयो, चर्चित निर्देशक छवि ओझा र चर्चित अभिनेत्री शिल्पा पोखरेल बिच आएको मनमुटावका कारण फिल्म नगरी, सामाजिक संजाल मज्जाले तातेको छ ।

उनिहरु फिल्मी रुपमा मात्र जोडिएका जोडी नभएर सङै जीवन बिताउने गरि बिबाह बन्धनमा जोडिएका जोडि हुन । उनिहरुले ३ बर्ष अघि मात्र बिबाह गरेका थिए ।

केही दिन अघि छविले शिल्पा माथी हातपात गरेका कारण यो अबस्था सिर्जना भएको थियो । छबिले कानको जाली फुट्ने गरि हिर्काएको समाचारले पनि निकै चर्चा पायो । तर छवि यो आफुले हिर्काएको तर कानको जालिमा कुनै असर नपरेको बताउँछन् । शिल्पालाई भने डाक्टरले स्पिकर नजिक केही दिन नबस्न सल्लाह दिएको बताउछिन ।

छोटकरिमा छवि-शिल्पाको बिबादको घटनाक्रम,

शिल्पाले छवि बिरुद्द प्रहरी समक्ष उजुरी गरिन । त्यस लगत्तै प्रहरीले यी जोडिलाई सोधपुछको लागि प्रहरी परिसरमा बोलायो । प्रहरीले बोलाएपछी सोही दिन दुबै जना प्रहरी परिसर, टेकु पुगे । त्यहा पुग्दा छबिले मिडियासामु आफ्नो कुराहरु राखे तर शिल्पा मिडियामा बोल्न चाहिनन । केही समयको अन्तराल पछि प्रहरी समक्ष संगै बस्ने र अबदेखी यस्तो कार्य नदोहोर्‍याउने सहमती गरेर दुबै जना निस्किए ।

सहमति गरेर निस्कने बित्तिकै शिल्पालाई मिडियाले उनिमाथी भएको घरेलु हिंसाको बिषयमा बुझ्न चाहे । उनले रुदै “मलाई परेको छ, मैले भोगेको छु ।” भन्दै धेरै बोल्न चाहिनन र गाडीमा चढेर गईन । त्यसपछि छबिले सामान्य घर झगडा भएको, “चार आनाको मुर्गिलाई १२ आनाको मसला” बनाईएको र सहमती भैसकेको बताए ।

यसरी बाहिरिए पछि दुबै जना मिडियामा देखिन थाले । शिल्पाले नेपाल लाईभमा लामो पीडा पोखिन । जुन भिडियो भने थिएन । त्यस लगत्तै उनिहरुको म्यारिज एनिभर्सरी आयो छबीले एक अन्तरबार्तामा यश बिषयमा बोले र शिल्पालाई नछाड्ने, अन्तिम सास सम्म शिल्पा संगै बसेर बिताउने बताए । त्यसपछी न्युज फिल्मिको एक अन्तरबार्तामा शिल्पाले रुदै आफ्नो पीडा पोखिन ।

त्यस अन्तरबार्तामा शिल्पा लगभग अन्तरबार्ता भरिनै रोईन । उनले आफ्नो पीडा पोखिन, सुनाईन । उनका अनुसार धेरै समय देखि उनले यस्तो पीडा भोगेकी थिईन कि उनी भोलिपल्ट सुटिङ जानुछ भने पनि खाना बनाएर फ्रीजमा राखेर जानुपर्थ्यो । यस झगडामा कुनको कानको जाली फुट्ने गरि हानेको आरोप छवि माथी छ । छवि भने यो कुरालाई स्विकार्दैनन तर शिल्पालाई डाक्टरले केही दिन स्पिकर बजेको स्थान नजिक नबस्न सुझाव दिएका छन । अहिले शिल्पा आफ्नो दाईको घरमा छिन । उनिहरु बिच प्रहरी समक्ष सहमती गरेपनी संगै बसेका छैनन । यतिबेला शिल्पाले डिभोर्स पेपर अघि बढाएको बताएकी छिन ।

यस अन्तबार्ता पछि आधा (करिव १२ बजे राती) छबिले शिल्पालाई सम्बोधन गर्दै आफ्नो फेसबुकमा एउटा लामो स्टाटस लेखे । जसमा उनले यस्तो लेखेका थिए :

शिल्पा जि,
मैले ५२ बर्षको उमेरमा ३ जना श्रीमती सङ सम्बन्ध बिच्छेद भईसकेपछि तपाईं सङ चाहिँ जिन्दगि बिताउन सक्छु होला भनेर जिन्दगिका सब थोक कम्प्रमाइज गरेर माया गरेर बिहे गरेको श्रीमती हो तपाईं l छातिमा हात राखेर आज एक्छिनलाई आफैलाई नढाटी सम्झनुस तपाइले लगाएका कति आरोपहरु सत्य छन ?

यदि तपाईं पनि आफुलाइ सच्याएर अझै मेरो श्रीमती, तपाइले बिहे गर्ने बेलामा आस्वासन दिलाए जस्तै मेरो बुढेसकालको सहारा बनेर बस्न सक्नुहुन्छ भने, म पनि मेरा कमि कमजोरीहरु सच्याएर गान्धीबादी भएर बस्न सक्छु । अरुको कुरा नसुन्नुस, आउनुस हाम्रो घरको ढोका सधै तपाईंको लागि खुल्ला छ । हैन र यदि तपाइ साच्चै म सङ बस्न सक्नु हुन्न भने पनि एक पटक म सङै आएर टेबलमा कुरा गर्नुस ।

मेरो ईतिहास पल्टाएर हेर्नुस आज सम्म मैले कुनै पनि श्रीमतिलाई अन्यायमा पारेको छैन । तपाइलाइ पनि पार्दिन । मैले बिगत ३ दिन देखि तपाइलाइ सम्पर्क गरेर भेट्न खोज्दा पनि तपाइलाई अब मेरो वकिलले भेट्छ भन्नू भयो । म फेरि पनि भन्दैछु, सन्सारको कुनै पनि अदालतमा जानू पर्दैन । छबी ओझाको अदालतमा सिधै आउनुस । तपाइले न्याय पाउनु हुन्छ ।
शुभरात्री ।

कसको गल्ती
धेरै ब्यक्तिले शिल्पालाई दोशी देखाए । पैसाको लागि बिबाह गरेको, उमेर नमिल्ने संग बिबाह गरेको कारण यस्तो अबस्था आएको जस्ता टिकाटिप्पणी गरेका छन । उनले अन्तरबार्तामा रुदै आफ्नो समस्या नबुझेको, धेरैले नराम्रा नराम्रा कमेन्ट गरेकोमा चित्त दुखाईन । थोरैले भएपनी आफ्नो समस्या बुझेको मा नै उनले चित्त बुझाईन । यस बिषयमा चर्चित अभिनेत्री, गायिकाहरुले बोले । मिडियामा पोखिएको शिल्पाको रोदन र भनाई अनुसार शिल्पा अन्यायमा परेको देखिन्छ तर यसको बास्तबिकता के हो छवि-शिल्पालाई मात्र थाहा छ ।

छबिले रमाईलो छ मा दिएको अन्तरबार्तामा “शिल्पाले बिबाह गर्छु भनेकै कारण जबर्जस्ती रेखालाई डिभोर्स दिएको, शिल्पाले ४० बर्षको करियर बिगर्न लागेको” बताएका छन । उनले शिल्पालाई आफुले बोलेको कुन कुन कुरा सत्य छ मनन गर्न समेत सुझाव दिए । शिल्पाले डिभोर्स पेपर फाईल गरिसकेको बताएकी छिन । तर छवि शिल्पालाई डिभोस नदिने, अन्तिम बिबाह नै शिल्पासङ भएको बताए ।

मिडियामा पोखिएको शिल्पाको रोदन र भनाई अनुसार शिल्पा अन्यायमा परेको देखिन्छ । तर वास्तविक भित्री कुरा के छ छबी-शिल्पालाई नै थाहा छ । जे होस घरेलु हिंसा कसैले नगरौ । सकेसम्म शिल्पा, छबिको सम्बन्ध फेरीपनी राम्रो बनोस ।

हेर्नुहोस बाकी भिडियोमा