हेटौंडामा फेरी अर्को विभत्स घटना
युवती हत्याको क्रम डरलाग्दोगरी बढ्दो छ । केही दिन अघिमात्र पाँचथरमा एक युवतीको विभत्स रुपमा मारिएको थियो । फेरी मकवानपुरमा सोही घटना दोहोरिएको छ । हेटौंडा उपमहानगरपालिका १ भैरवडाँडामा रहेको पाथीभरा मन्दिर नजिकै एक युवतिको शव फेला परेको छ ।
अन्दाजी २५ वर्ष उमेरको यूवतिको पहिचान नखुलेको प्रहरीले जनाएको छ । घटनास्थलमा प्रहरी निरीक्षक पवन कुमार झाको टोली पुगिसकेको र प्रहरीले शव घोप्टो अवस्थामा रहेको बताएको छ । घटनास्थलाई प्रहरीले सिल गरेको छ।
जिल्ला प्रहरी कार्यालय मकवानपुरका प्रहरी उपरिक्षक मुकेश कुमार सिंह घटनास्थलमै रहेको र अहिले डग परिचालन गरी खोजी काय थालनी भएको र घटना बारे थप विवरण आउन बाँकी रहेको प्रहरीले जनाएको छ ।
