सांसद पद माग्दै बालुवाटार पुगे एकनाथ ढकाल

 

लामो समय तत्कालिन नेकपा एमालेमा रहेर बिचमा पार्टी विघटन गरेका व्यक्ति सांसद पद खोज्दै बालुवाटार पुगेका छन् । नेपाल परिवार दलका अध्यक्ष तथा पूर्वमन्त्री एकनाथ ढकालले संसदमा आाफ्नो दललाई सहभागी गराउन माग गर्नुभएको हो ।

युरोप भ्रमण सकेर स्वदेश आउँनु भएका प्रधानमन्त्री केपी शर्मा ओलीलाई आइतबार बालुवाटारमा भेटेर ढकालले संसदमा आफ्नो दलको प्रतिनिधित्वबारे कुरा उठाउनु भएको हो । भेटमा उहाँले गत निर्वाचनका बेला परिवार दलले तीन बुँदे सहमति गरी वाम गठबन्धनलाई सघाएको स्मरण गराएको छ ।

गत निर्वाचनमा परिवार दलले नेकपाको तत्कालीन गठबन्धनलाई सघाएबापत् संसदमा उसको दलको प्रतिनिधित्व सुनिश्चित गराउने सहमति भएको थियो । ढकालका अनुसार, त्यतिबेलाको सहमति अहिलेसम्म पनि कार्यान्वयन नभएपछि प्रधानमन्त्रीलाई भेटेर ध्यानाकर्षण गराइएको हो ।

उहाँका अनुसार चुनावको बेला परिवार दलले वाम गठबन्धनलाई सघाउँदै सूर्य चुनाव चिन्ह लिएर लड्ने र त्यसबापत प्रतिनिधि सभामा परिवार दलको प्रतिनिधित्व गराउने सहमति भए पनी अहिलेसम्म कार्यान्वयन भएको छैन । आफुले यही विषयमा प्रधानमन्त्रीको ध्यानाकर्षण गराएको ढकालले जानकारी दिनुभयो । जवाफमा प्रधानमन्त्री ओलीले पार्टी सचिवालयमा छलफल गरे जानकारी गराउँने आश्वासन दिनु भएको छ ।