यो कस्तो भाग्य ? गाउँलेको उपचार गर्न गएकी १९ वर्षीया नर्सको मृत्यु !
सुन्दर सपना बोकेर हिडेकी एक युवतीको ज्यान गएको छ । आँखुखोला हाइड्रोपावरको ड्याम खोल्दा नुहाउँदै गरेकी युवतीको ज्यान गएको हो ।
त्रिपुरासुन्दरी गाउँपालिका र नीलकण्ठ नगरपालिकाको सिमानामा पर्ने टारीबेँसी नजिकै दाङ घर भएकी १९ वर्षीया विपना भुसालको आँखुखोलाले बगाएर ज्यान गएको जनाइएको छ ।
लुगा धुन र नुहाउन भनी दिउँसो खोलामा गएकी उनलाई खोलाले बगाएको प्रहरीले जानकारी दिएको छ । काठमाडौँस्थित विनायक अस्पतालमा अध्ययनरत विपना ‘प्राक्टिकल’ का लागि सल्यानटार प्राथमिक स्वास्थ्य केन्द्रमा पुगेकी थिईन् ।
कलेजबाट उनी ‘प्राक्टिकल गर्न सल्यानटार प्राथामिक स्वास्थ्य केन्द्रमा ४५ दिनको लागि आएकी थिईन् । उनी ४५ दिन पुगेकै बेला खोलाले बगाएको हो ।
आँखुखोला हाइड्रोपावरले विनाजानकारी ड्याम खोलेपछि खोलामा रहेकी विपनालाई बगाएको जिल्ला प्रहरी कार्यालय धादिङका प्रमुख प्रहरी उपरीक्षक राजकुमार बैदवारले जानकारी दिए ।
आँखुखोला हाइड्रोपावर धादिङका साइट इन्चार्ज ईश्वर छत्कुलीले भने स्थानीय प्रहरीलाई जानकारी गराएरै ड्याम खोलिएको जानकारी दिएका छन् ।
