अर्बपति विनोद चौधरीको इन्स्योरेन्समा, यौनकाण्ड लागेका अध्यक्ष, फरार अभियुक्तलाई सिइओ

 

‘कहिँ नभएको जात्रा देख्न पाइन्छ हाम्रो बैंकिङ क्षेत्रमा । बैंकिङ क्षेत्रमा सुरा र सुन्दरी काण्डबारे सुनिएकै हो । आज हामी चर्चा गर्दैछौं इन्स्योरेन्स कम्पनीको । भूमाफिया शोभाकान्त ढकालहरु सञ्चालक रहेको कुमारी बैंक पछिल्ला काण्डै काण्डमा फस्दै गएको छ । यस अगाडिका प्रमुख कार्यकारी अधिकृत (सिइओ) उदयकृष्ण उपाध्याय यौनकाण्ड लागेर बैंकबाटै राजीनामा दिएर हिडे ।

 

सोही बैंकका अर्का सञ्चालक चाहिँ बालुवाटारको सरकारी जग्गा कीर्ते अभियोगमा डामिए । सरकारी जग्गा व्यक्तिको नाममा पार्ने मुख्य नाइके शोभाकान्त ढकालले पनि सञ्चालकले राजीनामा दिएका छन् । सरकारी जग्गा ब्यक्तिका नाममा सार्न महत्वपूर्ण भूमिका खेलेको आरोप लागेका डा. शोभाकान्त ढकालका काला कर्तुतहरु सार्वजानिक भए पछि उनी राजीनामा दिएर फरार भएका छन् ।

 

ढकाल कुमारी बैंकको सञ्चालक समिति सदस्य हुन् र उनी यो काण्डमा जोडिएका व्यापारी मिनबहादुर गुरुङको व्यापारीक पार्टनर पनि । हालैमात्र ११३ रोपनी सरकारी जग्गा व्यक्तिको नाममा पार्नमा उनै गुरुङसहित ढकालहरुको समेत प्रत्यक्ष संग्लगनता भेटिएको पृष्टि भएसँगै उनी राजीनामा दिएर हिडेका हुन् । ढकाल कुमारी बैंकमा सर्वसाधारण शेयरधनीका तर्फबाट प्रतिनिधित्व गर्दै आएका छन् ।

उनीमाथि वालुवाटारको जग्गा ब्यक्तिको नाममा दर्ता गरेको आरोप लाग्दै आएको छ । विभिन्न भूमाफियालाई प्रयोग गरेर सरकारी जग्गा हत्याउने मिन बहादुर गुरुङका व्यवसायिक पार्टनरका रुपमा समेत चिनिएका ढकालको समूहले वालुवाटारमा रहेको १ सय १३ रोपनी सरकारी जग्गा आफ्नो बनाएर नेकपाका महासचिव विष्णु पौडेललाई बेच्न सफल भएका थिए । यो छानबिन प्रकरण ढकालतिर सोझिए पछि उनी राजीनामा दिएर देशै छोडेर हिडेका छन् । ढकाल प्रधानमन्त्री निवास बालुवाटारको जग्गा ब्यक्तिको नाममा ल्याउने गिरोहमध्येका प्रमुख गिरोह हुन् ।

 

नेकपाका महासचिव विष्णु पौडेल र आफ्नी श्रीमती उमा ढकालको नाममा रहेको ठूलो कित्ता शेयरको बलमा ढकाल कुमारी बैंकको संचालक बन्दै आएका उनी स्याङ्जा पञ्चमूलको सामान्य परिवारमा जन्मिएका हुन् । तर मुख्य पेशा नै जग्गा दलाली गर्दै आएका उनी यसकै आडमा शक्तिकेन्द्रहरुसँग नजिकिदै आएका थिए ।

 

उसो त कुमारी बैंकको काण्ड यतिमै सीमित छैन् । यस अगाडि दुगड ग्रुपका तर्फबाट सञ्चालक थिए नरेश दुगड । उनी र उनको परिवार नै कालोबजारी तथा ठगी मुद्दामा काठमाडौं जिल्ला अदालतले दोषी ठहर गरेको । तर उनी कुमारी बैंककै सञ्चालक बनेर रहे । लामो समयसम्म यो प्रकरण बाहिरिए पछि उनी पनि त्यहाँबाट निस्कासित भए । उता बैंकका अध्यक्ष सन्तोषकुमार लामाको काण्डहरु बाहिरिएका छन् ।

यता उस्तै लफडा छ युनाइटेड इन्स्योरेन्समा । विगतमा यौनकाण्ड लागेर कुमारी बैंकबाट जागिरबाट राजीनामा दिएर हिडेका उदयकृष्ण उपाध्याय अहिले त्यहाँको अध्यक्ष बनाइएका छन् । चौधरी ग्रुपका स्वामित्व रहेको यो इन्स्योरेन्समा मात्र होइन् । युनाइटेड फाइनन्सको नेतृत्व गर्न पुगेको अजयकुमार मिश्र समेत उस्तै विवादित पृष्ठभूमिका व्यक्ति हुन् । विगतमा दुईवटा अदालत काठमाडौं र उच्च अदालत पाटनका फरार अभियुक्त भएका मिश्रलाई अहिले फाइनान्सको सिइओ बनाइएको हो ।

मिश्र बैङ्किङ कसुरमा मुद्दा खेपिरहेका छन् । जनता बैङ्कसँग गाभिनुअघि मिश्रले तत्कालीन सिद्धार्थ डेभलेमेन्ट बैङ्कबाट हुँदै नभएको जग्गा धितोमा राखी २ करोड कर्जा प्रवाह गरेका थिए । काठमाडौंको तीनकुनेमा रहेको बैङ्कको शाखाबाट कृष्ण चौधरीका नाममा उक्त कर्जा प्रवाह गरेका थिए । यो बसन्त चौधरीहरुको लगानी रहेको फाइनन्स हो । यो काण्ड बाहिरिए पछि अहिले पनि सो इन्स्योरेन्स सिइओ बिहिन अबस्थामा चलिरहेको छ । सो इन्स्योरेन्सको निमित्त सिइओको जिम्मेवारी रमेश कुमार भट्टराईले सम्हालिरहेका छन् । अर्वपति चौधरी पनि यस्ता विवाद्स्पद् पात्र हुन उनी जहाँ जहाँ जोडिन्छन् त्यही विवादित बन्छन् ।