काठमाडौंमा फेला पर्यो सुन जस्तै पँहेलो देखिने अनौठो धातु !
काठमाडौं महानगरपालिका– ९ स्थित त्रिभुवन अन्तर्राष्ट्रिय विमानस्थल अगाडिबाट करिब १ सय ५० ग्रामको सुन जस्तो देखिने पहेंलो बाला ३ थान सहित रामेछाप खाँडादेवी गाउँपालिका– ४ घर भएका २२ वर्षीय कामेदेव मगरलाई मंगलबार दिउसो प्रहरीले पक्राउ गरेको छ ।
विशष सूचनाको आधारमा महानगरीय प्रहरी वृत्त गौशालाबाट खटिएको प्रहरीले जाचँ गर्ने क्रममा उक्त बाला सहित मगरलाई फेला पारी पक्राउ गरेको हो । रसुवा, गोसाईकुण्ड गाउँपालिका २ टिम्मुरे घट्टेखोलास्थित रोकी राखेको ना.६ ख ९०६८ नम्बरको स्याउ लोड गरेको कन्टेनर ट्रकबाट प्रत्येक १ किलो लेखिएको सुन जस्तो देखिने पहेंलो धातु ७ थान सहित ट्रक चालक नौकुण्ड गाउँपालिका १ बस्ने ३० वर्षीय शेर ग्याल्बो घलेलाई मंगलबार दिउसो प्रहरीले पक्राउ गरेको छ ।
सीमा प्रहरी चौकी टिमुरे र सशस्त्र प्ररही बल भन्सार सुरक्षा गुल्म टिमुरेबाट संयुक्त रुपमा खटिएको प्रहरी टोलीले उक्त कन्टेनर जाँच गर्दा क्याविनको वाँयातर्फको सिलिङको बत्तीभित्र लुकाई छिपाई राखेको अवस्थामा उक्त परिमाणको धातु फेला पारी घलेलाई पक्राउ गरेको हो । यस्तै, काठमाडौं, चन्द्रागिरी नगरपालिका–२ नागढुङ्गाबाट सिराहा गोलबजार गाउँपालिका–७ घर भएका १५ वर्षीय सरोज गुप्तालाई अवैध लागूऔषध ब्राउन सुगर १.५ ग्राम सहित फेला पारी मंगलबार दिउसो प्रहरीले पक्राउ गरेको छ ।
उक्त स्थानमा काकडभिट्टाबाट काठमाडौंतर्फ आउँदै गरेको ना.५ ख २२९१ नम्बरको बस जाँच गर्ने क्रममा बसमा सवार गुप्तालाई उक्त लागूऔषध सहित फेला पारी पक्राउ गरेको हो । र, बाँके, नेपालगंज उपमहानगरपालिका–१५ स्थित कैलाली जानकी गाउँपालिका–५ पथरैया बस्ने १९ वर्षीय खेमराज जैशीलाई ९ ग्राम ब्राउन सुगर र बाँके बैजनाथ गाउँपालिका–२ बस्ने १८ वर्षीय अर्जुन बिकलाई नियन्त्रित लागूऔषध नाईट्रोभेट २० ट्याबलेट सहित मंगलबार साँझ प्रहरीले पक्राउ गरेको छ ।
ईलाका प्रहरी कार्यालय जमुनाह र लागूऔषध नियन्त्रण ब्यूरोबाट संयुक्त रुपमा खटिएको प्रहरी टोलीले जाँच गर्ने क्रममा उनीहरुलाई उक्त लागूऔषध सहित फेला पारी पक्राउ गरेको हो । यी सबै घटनाहरुमा प्रहरीले आवश्यक अनुसन्धान गरिरहेको जनाएको छ ।
