“२० हजार कर्मचारीको विज्ञापन गर्न लोकसेवालाई निर्देशन दिइसकेका छौं” :- मन्त्री पण्डित

संघीय मामिला तथा सामान्य प्रशासनमनत्री लालबाबु पण्डितले अब छिट्टै लोकसेवा आयोगको विज्ञापन खुल्ने बताएका छन् । संघीय मामिला तथा सामान्य प्रशासन मन्त्रालयमा कर्मचारी समायोजन सकिएको जानकारी दिने उदेश्यले आयोजित पत्रकार सम्मेलनमा  मन्त्री पण्डितले यस्तो बताएका हुन् ।

कर्मचारी समायोजन सकिएको छ । संघ,प्रदेश र स्थानीय तह तिनै तह गरी कम्तिमा १५ देख २० हजार पद रिक्त हुने देखिएको छ । र रिक्त रहेका पदमा कर्मचारी पदपूर्ति गर्न लोकसेवा आयोगलाई निर्देशन दिइएको मन्त्री पण्डितले जनाए ।

चालू आर्थिक वर्षभित्र आवश्यक सबै कर्मचारीहरुको व्यवस्था हुने गरी परीक्षाको तयारी गर्न आयोगलाई निर्देशन दिएको मन्त्री पण्डितले बताए । कर्मचारी समायोजनपछि पनि झण्डै २० हजार कर्मचारी अभाव रहेकाले त्यसलाई पूर्ति गर्नका लागि आयोगलाई निर्देशन दिइएको मन्त्री पण्डितको कथन छ ।

कर्मचारी समायोजन टुंगिएसँगै अब तत्काल लोक सेवा आयोगले २० हजार विभिन्न तहका कर्मचारीका लागि आवेदन खुला गर्नेछ । आयोगको परीक्षा पास गरेकाहरुबाट आवश्यक कर्मचारीको व्यवस्था गरिने जनाइएको छ ।