पोखराको लेकसाइडमा प्रहरीले छापा मार्दा करिब ८० जना नेपाली र विदेशी पक्राउ परेका छन् । वडा प्रहरी कार्यालय बैदामका प्रहरी प्रमुख डिएसपी कोमल शाहको कमाण्डमा गएको टोलीले नेपाली र विदेशी गरी ८० जनालाई पक्राउ गरेको हो ।

पोखरा ६ लेकसाइडको खहरेमा रहेको एक रेष्टुरेण्टमा डान्सपार्टी भएको छ भन्ने सुचनाका आधारमा प्रहरीले छापा मारेको थियो। द अफिस रेष्टुरेण्टबाट गाँजा, चरेस लगायतका लागूऔषध सहित उनीहरुलाई पक्राउ गरेको प्रहरीले जनाएको छ ।

 

उनीहरुलाई बैदाम चौकीमा राखिएको प्रहरीले जानकारी दिएको छ । उनीहरु सबै माथि छानविन गरी दोषीलाई कार्वाही गर्ने र निर्दोषलाई छाड्ने प्रहरीले बताएको छ ।

 

दाङमा तीन वर्षका दाईले एक महिनाकी बहिनीलाई जलाए

 

दाङको देउखुरीस्थित राप्ती गाउँपालिकाको बगाहसोतीमा आगलागीमा परेर घाइते भएकी एक महिनाकी बालिकाको मृत्यु भएको छ । राप्ती गाउँपालिकाको वडा नं. १ बगाहसोती बस्ने हिमाल राना मागरकी एक महिनाकी छोरी संगीता रानाको उपचारका क्रममा आइतबार साँझ सात बजे मृत्यु भएको हो ।

 

जलेर घाइते संगीतालाई उपचारका लागि बुटवलस्थित लुम्बिनी प्रादेशिक अस्पताल पठाइएको थियो । उनको सोही अस्पतालमा निधन भएको प्रहरीले जनाएको छ ।

 

हिमाल राना मगरका छोरा करीव ३ वर्षीय छोरा अमित रानाले सलाई कोरी खेल्ने क्रममा आफ्नै बहिनी (१ महिना ) की संगीता राना सुतिरहेको अवस्थामा कपडामा आगो सल्किदा आगोले जलेर गम्भीर घाइते भएकी थिइन् ।

उपचारको लागि बुटवल लगेकोमा संगीताको उपचारका क्रममा लुम्बिनी प्रादेशिक अस्पताल बुटवल रुपन्देहीमा मृत्यु भएको विज्ञप्तिमा उल्लेख छ । घरमा अन्य क्षति केही नभएको मृतक बच्चाको शव बुटवलस्थित अस्पतालमा रहेको छ ।