सारा नेपाली शसंकित बनाउँने कांग्रेसका महामन्त्री डा. शशांक कोइरालाको यो अभिव्यक्ति
पछिल्ला दिनहरुमा प्रमुख प्रतिपक्षी दल नेपाली कांग्रेसका जिम्मेवारी शीर्ष नेताको अभिव्यक्तिले जनता शसंकित बनाएको छ ।
गणतन्त्र, धर्म निरपेक्षता, संघीयता सारा जनताले स्वीकार गरेर मुलुक यो चरणमा आइसकेपछि कांग्रेसकै जिम्मेवार नेताले जनता नै चकित बनाउने अभिव्यक्ति दिन थालेका हुन् ।
उहाँहरु कमल थापा नेतृत्वको राप्रपाको बाटोमा आइपुगेको त हैन भन्ने भएको छ ।
कांग्रेस महामन्त्री डा. शशांक कोइरालाको पछिल्लो अभिव्यक्तिले त्यही देखाएको छ ।
उहाँले गणतन्त्र, संघीयता र धर्मका बारेमा जनमत संग्रह गर्नुपर्ने बताउनुभयो ।
होलीका अवसरमा बुधबार आफ्नै निवासमा आयोजित कार्यक्रममा कोइरालाले भन्नुभयो, ‘धर्म निरपेक्षता मात्रै होइन, संघीयता र गणतन्त्रबारे जनमत संग्रह गरेर जनताको इच्छा बुझ्न आवश्यक छ ।
धार्मिक स्वतन्त्रतासहितको हिन्दु राष्ट्रका लागि जनमत लिनुपर्छ ।’ कोइरालाले धर्म निरपेक्ष वा सापेक्ष हुन नसक्ने बताउनुभयो ।
कांग्रेस नेतृत्वको सरकारले नै संविधान जारी गरेर मुलुक गणतन्त्रमा गई कार्यान्वयन भइरहेको अवस्थामा महामन्त्री कोइरालाले संघीयता र गणतन्त्रबारे जनमत संग्रह गर्नु पर्ने धारणा व्यक्त गर्नुभएको हो ।
कोइरालाले धर्म निरपेक्षका विषयमा जनमत संहग्र गनुपर्ने संग्रह गर्नुपर्ने धारणा यसअघि पनि व्यक्त गर्दै आउँनु भएको छ ।
