यसकारण अचानक डरलाग्दो बन्यो मौसम, सचेत गराउँदै मौसम पूर्वानुमानको यस्तो सूचना

हाम्रो इकोनोमि

 

केही दिन देखि काठमाडौं उपत्यका लगायतको मौसम सफा रहेको थियो । तर आज अचानक अपरान्ह देखि सिमसिम वर्षा भइरहेको छ । कतिपय ठाउँहरुमा मेघ गर्जन सहित वर्षा भएको छ । आज बिहान मात्रैं नेपालमा भुकम्पको धक्का महसुस भएको थियो ।

 

यो सँगैं बेलुका देखि नैं पानी पर्न थालेको छ । काठमाडौं उपत्यका लगायतका जिल्लाहरुमा केही महिना देखि पश्चिमी वायुको प्रभावले मौसममा बद्ली भइरहेको छ । यो कत्ति दिनसम्म रहन्छ त्यो भन्ने अवस्था रहेको छैन । तर , विज्ञहरुका अनुसार घरबाट बाहिर निक्लनु भन्दा पहिले छाता वा अन्य कुराहरु साथमा हिड्न भनिएको छ । अब प्रि मनसुनको संकेत भएकाले मौसम बदली भइरहने जल तथा मौसम विज्ञान विभागको मौसम पूर्वानुमान महाशाखाले जनाएको छ ।

 

जारी मिति : चैत्र ०४ गते (सोमबार ):-बिहान ६:०० बजे

 

चैत्र ०४ गते (सोमबार):-
दिउँसोः देशका पुर्बी भूभाग र पहाडी भू -भागमा आंशिक देखि सामान्य बदली रहि बाँकी भू-भागमा आंशिक बदली रहनेछ। पहाडी भू-भागका केहि स्थानहरुमा मेघ गर्जन सहित हल्का वर्षाको संभावना छ। रातीः देशका पहाडी भू -भागमा आंशिक देखि सामान्य बदली रहि बाँकी भू-भागमा आंशिक बदली रहनेछ। देशको पहाडी भेगका थोरै स्थानहरुमा मेघ गर्जन सहित हल्का वर्षाको संभावना छ।

 

चैत्र ०५ गते (मंगलबार):-
दिउँसोः देशका पहाडी भू -भागमा आंशिक देखि सामान्य बदली रहि बाँकी भू-भागमा आंशिक बदली रहनेछ। देशको पहाडी भेगका थोरै स्थानहरुमा मेघ गर्जन सहित हल्का वर्षाको संभावना छ। रातीः देशका पहाडी भू-भागमा आंशिक बदली रहि बाँकी भू-भागमा मौसम सामान्यतया सफा रहनेछ।

 

चैत्र ०६ गते (बुधबार ):-
दिउँसोः देशका धेरै जसो भू-भागमा आंशिक देखि सामान्य बदली रहनेछ। देशको पश्चिमी पहाडी क्षेत्र तथा मध्य तथा पूर्वी क्षेत्रको पहाडी भेगका थोरै स्थानहरुमामा मेघ गर्जन सहित हल्का वर्षाको संभावना छ। रातीः देशका पहाडी भू-भागमा आंशिक बदली रहि बाँकी भू-भागमा मौसम सामान्यतया सफा रहनेछ।