८ वर्षकी बालिका बलात्कार गर्ने पूर्वपादरी ३० वर्षपछि पक्राउ

 

करिब ३० बालिकाको यौनशोषणका आरोपी पूर्व पादरीको नयाँ घटना पर्दाफास भएको छ । अमेरिकी पत्रिका डेलि मेलमा छापिएको रिपोर्टका अनुसार पादरीले केहिदशक अघि ८ वर्षकी बालिकालाई वान्ता आउन्जेल बलात्कार गरेका थिए ।

घटना ३० वर्ष पुरानो हो । प्रहरीले मंगलबार न्यू मेक्सिकोका ८१ वर्षिय पूर्वपादरीलाई पक्राउ गरेको छ । उसको नाम सबीने ग्रिगो भएको समाचारमा उल्लेख छ । लास भेगसमा बस्ने पादरीलाई चर्चले १९९३ मा अवकाश दिएको भता पनि उसको पूर्ण कामकामज भने २००५ मात्र सकिएको समाचार लेखिएको छ ।

अहिले आरोपी सबीने ग्रिगोलाई लास भेगसको जेलमा राखिएको छ । अहिले यो बलात्कारको घटना बाहिर आएता पनि चर्चमा रहेको मानिसहरुलाई यो घटनाको बारेमा वर्षौँ पहिलेदेखि थाहा भएको प्रहरीको भनाई छ ।

पादरीले ८ वर्षकी बालिकालाई हामीहरु एउटा खेल खेल्ने भन्दै बलात्कार गरेका थिए । यसभन्दा पहिला २०१७ मा चर्चले ७८ जना यौनशोषणमा मुद्दा झेलिरहेका पादरीहरुको सूचीसमेत सार्वजनिक गरेको थियो ।

पीडित युवतीले बाल्यकालमा मात्र नभएर त्यसपछि पनि पादरीले मौकाको फाइदा उठाउँदै बलात्कार गर्ने गरेको उल्लेख गरेकी छन् । पादरीले रक्सी पिउन बाध्य बनाउने र चम्चाले पिट्ने गरेको पीडित युवतीको भनाई छ ।