मृतक सैनिक अर्जुन घिमिरेको घरमा पुगेर प्रधानसेनापतिले जब आमालाई सल्यूट गरे
ताप्लेजुङग हेलिकप्टर दुर्घटनामा परी मृत्यु भएका नेपाली सेनाका जमदार अर्जुन घिमिरेको शोकसन्तप्त परिवारसँग प्रधानसेनापति पुर्णचन्द्र थापाले भेट गर्नुभएको छ ।
मृतक सैनिक घिमिरेको निवासमा पुगी प्रधानसेनापति थापाले समवेदना प्रकट गर्नुका साथै परिवारजनलाई सान्त्वना दिनुभएको थियो ।प्रधानसेनापति जमदारको घरमा पुग्दा उहाँकी आमाले नमस्कार गर्नुभयो ।
प्रधानसेनापतिले आमालाई सल्यूट गर्नुभयो । आमाले केही भएपनि सान्त्वना पाएको महसुस गर्नुभएको थियो ।
घिमिरे मन्त्री रविन्द्र अधिकारीका अंगरक्षक हुनुहुन्छ । २०५८ सालमा सैनिक सेवामा प्रवेश गर्नुभएका उहाँ १० भदौदेखि मन्त्री अधिकारीको गार्ड कमाण्डर भएर खटिनुभएको थियो ।
२०३९ सालमा जन्मिएका घिमिरेको स्थायी घर रामेछापको साविक गुम्देल गाविस–७, हाल उमाकुण्ठ गाउँपालिका १ मा छ। उहाँले राजधानीको कीर्तिपुरमा पनि घर बनाउनुभएको छ ।
उहाँकी श्रीमती शैलु र १० वर्षीय छोरा असिम हुनुहुन्छ । घिमिरे केही वर्ष अघि सेनाको शान्ति मिसनमा पनि गएर सेवा गर्नुभएको थियो ।
