पितृ दानमा दिएको कपडा मन नपरेपछि पण्डितनीले जलाइदिइन !
दान दिएको कपडा राम्रो नलागेको भन्दै इटहरी ४ मा रहेको बेद मन्दिरमा दानमा आएको कपडा जलाइएको छ ।
बेद मन्दिरका पण्डित राम कुमार उप्रेतीलाई इटहरीकै १५ बर्षिय बालिकाले आफ्नो आमाको काजकृया गरे वापत दिएको सिरक डस्ना पण्डितकी श्रीमतीले जलाएकी हुन ।
इटहरी ४ की १३ बर्षिय प्रियंका नेपालले आफ्नो आमाको १३ दिने काजकृया गरे वापत दिएको कपडा पण्डितका श्रीमती गंगा उप्रेतीले सिरक डस्ना बिहान जलाएर खोलामा फालेकी थिईन ।
आफुले भने जस्तो कपडा नल्याएको रिसको झोकम उनले कपडा जलाएको बालिकाका आफन्तले बताएका छन् ।
आर्थिक स्थिति निकै कमजोर नेपाल परिवारले रिण गरेर पितृलाई खुशी बनाउन दिएको दानका सामान जलाएको प्रति नेपाल परिवार निकै आक्रोशित बनेका थिए ।
धर्मको अवरणमा पण्डितकी श्रीमतीले महंगो-महंगो कपडा खरिद गर्न शुरुदेखि नै दबाब दिएको बालिकाको आफन्त सारदा न्यौपानले बताईन ।
‘दानमा दिने कुरा त हाम्रो खुशीले हो, तर पण्डितका श्रीमतीले ‘लिष्ट’ नै दिएको बताउदै उनले भने जस्तो सामान नभएपछि सामान जलाएको उनले बताईन । ‘पितृ खुशी हुने बिश्वासको साथ एक सरो कपडा पण्डितलाई दिने हो, तर यहाँ त पण्डितनीलाई खुशी बनाउन दिए जस्तो भयो’ उनले भनिन् ।
एक थान लो बेड सहित सिरक डस्ना, सिरानी दिदैमा पनि ४० हजार रिन भएको न्यौपानले बताईन । तर अहिले पण्डितनीको यस्तो व्यवहारले दुखी बनाएको न्यौपाने बताईन ।
पण्डितनीको यस्तो व्यवहारले मन्दिर आसपासका स्थानियले समेत बिरोध गरेका थिए । यता पण्डितका श्रीमतीले आफुलाई चित्त नबुझेर जलाएको बताईन ।
बालिकाको आफन्त र स्थानियको माझ उनले मन नपरेको सामान मन्दिरमा भित्राउदा लक्षिन नहुने भन्दै आफुले खरानी बनाएको बताईन ।
उनले आक्रोशित हुदै ‘के गर्न सक्छौ गर’ भन्दै सबैलाई चुनौति दिएकी थिइन । पछि प्रहरीलाई समेत बोलाएर छलफल गर्दा आफुले त्यस्तो नगरेको जवाफ दिएकी थिइन । उनले आबेशमा आएर त्यस्तो भएको र माफी दिन आग्रह गरिन् ।
काजकृयामा बसकेकी बालिकोको बुवा मृत्यु भएको २१ दिनमै आमाको पनि मृत्यु भएपछि सोही मन्दिरमा बसेर उनले आमाको काजकृया गरेकी थिइन ।
आमाको काजकृया समेत गर्न खर्च नभएपछि इटहरी संञ्चारकर्मी कृष्णकला राईको पहलमा सहयोग संकलन गरिएको थियो । सो क्रममा मन्दिरमा समेत बालिकाको लागी सहयोग रकम उठेको थियो ।
मन्दिरमा उठेको सहयोग रकम अझै मन्दिरले उपलब्ध नगराएको आफन्तको भनाई छ ।
