ब्ल्याकमेलको उजुरी गरेकी युवतीलाई प्रहरीले उल्टै ब्ल्याकमेल गरेर बलात्कार गरे
कुनै अपराधीले आफूलाई सताइरहेको छ भे हामी प्रहरीकहाँ जान्छौं ताकि प्रहरीले ती अपराधीलाई सजाय दिलाएर हामीलाई बचाउन् ।
तर, प्रहरीले नै त्यही अपराधीको बाटो समाते भने के होला ? यस्तै आश्चर्यजनक घटना चण्डीगढमा भएको छ ।
यहाँका पूर्व सब इन्स्पेक्टर नवीन फोगाटले आफूकहाँ उजुरी गर्न आएकी युवतीलाई उल्टै ब्ल्याकमेल गरेर बलात्कार गरेको खुलेको छ ।
उनीविरुद्ध चण्डीगढ जिल्ला अदालतमा सुनुवाइ सुरु भएको छ ।
भारतीय समाचारपत्र दैनिक भास्करका अनुसार उनलाई गएको अक्टोबर २३ मा उनलाई जागिरबाट बर्खास्त गरिएको थियो ।
पीडित युवतीले एसएसपी निलाम्बरी जगदालेलाई दिएको उजुरीमा भनेकी छिन् कि उनको एक युवकसँग मित्रता थियो ।
युवती मुम्बइकी मोडल हुन् । मित्रताकै क्रममा ती युवकले ती मोडलका केही आपत्तिजनक तस्वीर प्राप्त गरे ।
यिनै तस्वीरको आडमा ती युवकले मोडललाई लगातार शारीरिक सम्बन्धका लागि दबाब दिन थाले । साथमा तस्वीरको आडमा उनलाई ब्ल्याकमेल गरेर पैसा पनि असुल्न थाले ।
१६ अक्टोबर २०१७ मा मोडलले ती युवकविरुद्ध युटी पुलिस स्टेशनमा उजुरी दिइन् ।
उजुरीका आधारमा सब इन्स्पेक्टर नवीन फोगाटले मुद्दा दर्ता गरे । नवीन फोगाटले ती आरोपी युवकलाई पक्राउ गरे ।
नवीनले ती युवकको ल्यापटप र फोटबाट मोडलको तस्वीर बरामद गरे । त्यसपछि
उनले तिनै तस्वीरको आधारमा आफूले पनि मोडललाई ब्ल्याकमेल गर्न थाले । त्यसपछि उननले युवतीलाई चण्डीगढ बोलाएर बलात्कार समेत गरेका थिए ।
