दाम्पत्य जीवनमै कठिनाई आउने गरि सुतेको बेला घुर्ने समस्या छ ? यसो गर्नुहोस्
धेरैजना सुतेको बेला घुर्ने गर्छन् । आफूले घुरेको धेरैलाई थाहा हुँदैन । तर सँगै र नजिक सुतेको मान्छेलाई उसको घुराईले हैरान नै बनाउँछ ।
विदेशमा घुर्ने समस्याकै कारण श्रीमान र श्रीमतीबीच सम्बन्ध विच्छेद भएको उदाहरण छ ।
विश्वमा १८ प्रतिशत पुरुष र २४ देखि २७ प्रतिशत महिलामा घुर्ने समस्या देखिएको छ । नेपालमा भने महिलाको तुलनामा पुरुषमा घुर्ने समस्या धेरै देखिएको डाक्टरहरु बताउँछन् ।
लक्षण :
– श्वास अड्किएको जस्तो हुने ।
– बिहान उठ्दा पनि फ्रेस अनुभव नहुने ।
– गाडी चढ्ने बित्तिकै निद्रा लाग्ने ।
– कुनै कार्यक्रमा बस्दा पनि धेरै हाई आउने वा निदाउने ।
– दिनभर नै थकान महसुस हुने ।
– यो सबै कुरा सोधेर मात्रै थाहा हुन्छ । त्यसलाई स्लिप स्टडी भनिन्छ । बिरामीलाई एकदिन निगरानीमा राख्ने, अनि सोध्ने गरेर मात्रै थाहा हुने हो ।
कारण
– काम गर्ने समयको अभाब ।
– कसैलाई जन्मदैमा नाक, घाँटीमा विभिन्न समस्या छ भने श्वासप्रश्वासको समस्या हुने गर्दछ । त्यसले गर्दा श्वास फेर्न गाह्रो भई घ्यारघ्यार हुने र सुतेको बेलामा घुर्ने हुन्छ ।
– युवा अवस्थामा पनि बच्चामा बढ्ने टन्सिल एडिन्यन्स ठूलो भई घुर्ने समस्या हुन्छ ।
– वृद्ध अवस्थामा क्यान्सरजन्य ट्युमर वा अन्य ट्युमर भएमा पनि घुर्ने समस्या हुन्छ । कसैको जिब्रो मोटो हुन्छ, त्यसलाई म्याक्रोगोलोसिस भनिन्छ । त्यो कारणले पनि घुर्ने समस्या हुन सक्छ ।
– बुढेसकालमा जिब्रो नरम हुने भएकाले सुतेको बेलामा जिब्रो दोब्रिने गर्दछ, त्यसले गर्दा पनि घुर्ने समस्या हुने गर्दछ ।
– श्वासनलीमा चोट लाग्दा भित्र सुनिन्छ र सुत्ने बेलामा श्वासमा अवरोध भएर घुर्ने समस्या हुन्छ ।
– जिब्रोको पछाडिको रगतको नशा फुल्दा श्वासमा अवरोध भई घुर्ने समस्या आउँछ ।
निम्त्याउने जोखिम
– घुर्ने समस्या भएकाहरु चिढचिढ स्वभावका, डाह गर्ने, छिट्टै रिसाउने, उपलब्धिबाट सन्तोष लिन नसक्ने, चाँडै निराश भईहाल्ने र चञ्चले स्वभावका हुन्छन् ।
– यो रोगबाट ग्रस्त भएकाहरुमा एकाग्र हुन नसक्ने, लय, ध्यान, स्मृति तथा कल्पनाशिलतामा कम हुन्छ ।
– घुर्ने बानी भएकाहरुलाई पर्याप्त अक्सिजन नपुग्ने र ठीकसँग निदाउन नपाउने हुँदा हर्मोनहरुको शारीरिक स्तर तलमाथि हुन जान्छ ।
– अचानक मृत्यु हुन सक्छ ।
– दाम्पत्य जीवनमै कठिनाई आई सम्बन्ध बिच्छेदसम्म हुन सक्छ ।
– हर्मोनहरू तलमाथि हुँदा र मेटाबोलिक गडबडी हुँदा तौल बढ्छ ।
– निद्रा पूरा हुन नपाउँदा दिउँसो निद्राले सताउँछ । जीउ गल्ने अल्छी लाग्ने हुन्छ ।
– फोक्सो तथा श्वास नलीको घरी घरी संक्रमण हुन्छ ।
– स्मरणशक्ति हराउने हुन्छ ।
– मुटुको चालमा समस्या आउछ ।
– हृदयघातको सम्भावना हुन्छ ।
– डिप्रेसन हुन्छ ।
– एन्जाईटी बढ्छ ।
– धेरै डराउने र आत्तिने हुन्छ ।
उपचार तथा ध्यानदिने कुरा
– आफ्नो जीवनशैलीमा परिवर्तन गर्ने
– मोटोपन घटाउने, शारीरिक कसरत गर्ने,
– धूमपान र मध्यपान नगर्ने ।
– नियमित व्यायाम गर्ने । कम्तिमा ३० मिनेट हिँड्ने
– सुत्ने कोठामा टीभी नराख्ने,
– सुत्ने र उठ्ने एउटै तालिका बनाउने,
– सुत्नुभन्दा तीन घन्टाअघि खाना खाने,
– सुत्दा उत्तानो परेर नभई देब्रे र दाहिने कोल्टे परेर सुत्ने,
–पोजेटिभ एयरवय प्रेसरको माध्यमबाट पनि घुर्ने समस्यालाई नियन्त्रण गर्न सकिन्छ । मुखमा राख्ने मेसिन हुन्छ त्यो रातमा मुखमा लगथाएर सुत्ने हो ।
जुन मुखमा राखेपछि श्वास फेर्न सजिलो हुन्छ र घुर्ने समस्याको समाधान हुन्छ ।
