कञ्चनपुरमा अनिश्चितकालिन बन्द घाेषणा
कञ्चनपुरमा युवा नेताहरुले अनिश्चितकालीन बन्दको घोषणा गरेका छन् ।
महेन्द्रनगर नगर विकास समितिको स्वामित्वमा रहेको जग्गामा अवैध रुपमा निर्माण गरिएका संरचना भत्काउनुपर्ने माग राख्दै उनीहरुले मंगलबारदेखि अनिश्चितकालिन बन्द गरेका हुन् ।
अवैध लिज विरुद्व चरणबद्व आन्दोलनमा उत्रिएका युवा विद्यार्थी संगठनले मंगलबारदेखि अनिश्चितकालिन कञ्चनपुर बन्द गरेका हुन्।
अनिश्चितकालिन बन्द आह्वान गरिएपछि बिहानैदेखि महेन्द्रनगरको जनजीवन प्रभावित भएको छ। स्थानीय प्रशासनले सदरमुकाम क्षेत्रमा ठूलो संख्यामा सुरक्षाकर्मी समेतपरिचालन गरेको छ।
बन्दका कारण सदरमुकाम महेन्द्रनगर बिहानैदेखि ठप्प छ। आन्दोलनरत विद्यार्थी बिहानैदेखि सडकमा उत्रिएर बन्द गराउँदै हिँडेका छन्। सार्वजनिक तथा निजी सवारी साधन ठाउँको ठाउँमा रोकिएका छन्।
जिल्ला प्रशासन कार्यालय कञ्चनपुरले अवैध संरचना हटाउन अन्यथा आफैं हटाउने भनि आदेश जारी गरेको एक महिने समय सकिए पनि कुनै पहल नभएको आन्दोलनरत युवा विद्यार्थीको आरोप छ।
