सीता दाहाल ‘हाइ अलर्ट केयरमा’, डाक्टर भन्छन्–हिजोभन्दा आज सुधार छ
नेकपा अध्यक्ष तथा पूर्व प्रधानमन्त्री पुष्पकमल दाहाल प्रचण्डपत्नी सीता दाहाललाई हाइ अलर्ट केयरमा राखेर उपचार भइरहेको छ । उनको ललितपुरको धापाखेलस्थित सुमेरु अस्पतालमा उपचार भइरहेको हो ।
उपचारमा संलग्न डाक्टर युवराज शर्माले दाहालको स्वास्थ्यमा हिजोको तुलनामा आज सुधारउन्मुख देखिएको जानकारी दिए । ज्वरो र खोकीले सिकिस्त भएपछि आइतबार बिहान दाहाललाई सुमेरु अस्पतालमा भर्ना गरिएको थियो ।
‘उहाँमा पहिलेदेखि नै डायबिटीज र प्रेसरको समस्या थियो । हामीले हाइ अलर्ट केयरमा राखेर उपचार गरिरहेका छौं’, डा शर्माले रातोपाटीसँग भने, ‘उहाँको स्वास्थ्यमा हिजोभन्दा आज सुधार देखिएको छ ।’
अस्पताल स्रोतका अनुसार सन्तान वियोगको पिडामा रहेकी दाहालमा कमजोरीपन पनि रहेकाले पछिल्लो बिरामीले थप स्वास्थ्यमा असर पर्न नदिन हाइ अलर्ट केयरमा राखेर उपचार गरिएको हो । अस्पताल स्रोतका अनुसार दाहालको रिपोर्ट आउने क्रममा रहेको र स्वास्थ्यमा केही सुधारआएकाले डिस्चार्ज गर्न अझैं केही दिन लाग्नेछ ।
