ल आयो मात्र ४९ हजारमै किन्न मिल्ने यो हिरोको मोटरसाइकल, यस्ता छन् बिशेषता
हिरो मोटोकर्पले आफ्नो लोकप्रिय बाइक एचएफ डिलक्सलाई नयाँ अवतारका साथ लन्च गरेको छ ।
कम्पनीले नयाँ एचएफ डिलक्समा आईबीएस (इन्टिग्रेटेड ब्रेकिङ सिष्टम) फिचरका साथ बजारमा भारतीय बजारमा उतारेको छ ।
नयाँ हिरो एचएफ डिलक्सको मूल्य ४९ हजार ६७ भारु राखिएको छ । पहिले भन्दा थप २ हजार भारुमा यसमा विभिन्न विशेषता पाउन सकिन्छ ।
नयाँ एचएफ डिलक्स कम्पनीको आईथ्रीएस (आइडल स्टार्ट स्टप सिष्टम) प्रविधिका साथ आएको छ ।
यो प्रविधिको सहयोगले बाइकको माइलेज बढ्नुका साथै प्रदूषण उत्सर्जनमा पनि कमी आउछ । यद्यपि बिना आईथ्रीएस प्रविधिको बाइक पनि उपलब्ध छ ।
आईबीएसका अलावा बाइकमा ठूलो ड्रम ब्रेक पनि दिइएको छ । यसका कारण ब्रेक लगाउदा बाइक कम दुरीमै रोकिन्छ ।
बाइकको इन्स्ट्रयुमेन्ट क्लस्टमा पनि केही परिवर्तन गरिएको छ । यसमा आईथ्रीएस प्रविधिका लागि क्लस्टरमा ब्लु लाइट, साइड स्ट्यान्ड वार्निङ लाइट र एक फ्युल गेज सामेल गरिएको छ । यो बाइक ग्रीनका साथै हेभी ग्रे कलरमा समेत उपलब्ध हुनेछ ।
हिरो एचएफ डिलक्समा ९७.२ सीसी, सिंगल सिलिन्डर इन्जिन छ, जसले ८.३६ बीएचपी पावर र ८.०५ एनएम टर्क जेनेरेट गर्छ । बाइकमा ४–स्पिड ट्रान्समिसन उपलब्ध छ । कम्पनीका अनुसार एचएफ डिलक्स आईथ्रीएसको माइलेज ८८.२४ किलोमिटर प्रतिलिटर छ ।
हिरोले सन् २०१९ लागे पछि अपडेट गरेको यो पहिलो बाइक हो । आगामी अप्रिल १ देखि लागू हुने सेफ्टी नर्म्सलाई ध्यानमा राखी कम्पनीले यसलाई आईबीएस प्रविधि राखेको हो । नयाँ नियम अनुसार १२५ सीसी भन्दा कम इन्जिन क्षमताको बाइकमा कम्बी ब्रेकिङ सिष्टम हुनु जरुरी छ ।
