जंगलमा युवतीको कपडा लगाएको अवस्थामा युवकको लाश भेटिएपछि हंगामा
जंगलमा युवतीको कपडा लगाएको अवस्थामा भेटिएको लाश पुरुषको पाइएपछि अनुसन्धानमा प्रहरीलाई तनाव भएको छ ।
ती युवकको पहिचान खुल्न नसक्दा उनले किन महिलाको कपडा लगाएका थिए ? भन्ने प्रश्न निकै जटिल बनेको छ ।
छत्तीसगढको रामानसजपुर जिल्लाको एक जंगलमा भेटिएका युवकको शवमा टाउकोमा चोट लागेको छ । बुधबार बेलुका भेटिएको शव बिहीबार पोस्टमार्टमका लागि पठाइएको छ ।
सुरुमा शव देख्नेहरुले युवतीको शव भएको ठानेका थिए ।
प्रहरीमा पनि युवतीकै शव भेटिएको सूचना पुगेको थियो । सूचना पाएपछि पुलिस टिम घटनास्थल पुगेको थियो ।
घटनास्थलमा हत्याको कुनै सुराग नपाइएको प्रहरीले जनाएको छ । युवकको टाउकोमा धारिलो हतियारले प्रहार गरिएको चोटको निशान छ ।
प्रहरीले हत्याको मुद्दा दर्ता गरेको छ ।
टुकी बत्तीबाट बेडमा आगो सल्किएपछि जलेर महिलाको मृत्यु
इलाममा बिहिबार जलेर एक महिलाको मृत्यु भएको छ। मृत्यु हुनेमा इलामको फाकफोकथुम गाउँपालिका वडा नम्बर ५ लुम्देकी ५४ वर्षीया बिष्णुमाया राई रहेकी छन् ।आगोमा जलेर घाइते भएकी राईलाई धरानस्थित बीपी कोइराला स्वास्थ्य विज्ञान प्रतिष्ठान धरान लागिएको थियो। उपचारकै क्रममा राईको मृत्यु भएको बताइएको छ ।
टुकी बत्तीबाट बेडमा आगो सल्किएपछि सुतिरहेको बिष्णुमाया घाइते भएकी थिइन्। जिल्ला प्रहरी कार्यलय इलामका अनुसार कोठामा बालिराखिएको टुकी बत्तीबाट आगो सल्किएको थियो।
जाडोयाममा आगलागीका घट्ना बढिरहेका छन् । कहिले हिटरबाट त कहिले गिजरबाट मानिसहरुले ज्यान गुमाएका घटना दिनदिनै सार्वजनिक भैरहेका छन् । सम्पूर्ण पाठकहरुलाइ जाडोमा ग्यास हिजर, इलेक्ट्रिक हिटर प्रयोग गर्दा सावधानी अपनाउन आग्रह गर्दछौं ।
यस सम्वन्धी हामीले जानकारीमूलक सामाग्री केही समय अगाडी प्रकाशित गरेका थियो ।
