सडकमा चक्कु प्रहारले घाइते युवतीले मद्दत मागिरहिन् तर हेर्नेहरुले कुनै मद्दत गरेनन् बरु मोवाइल निकालेर भिडियो बनाए ।

भारतको महाराष्ट्रमा मानवता नै लज्जित हुने यस्तो दुःखद् घटना सार्वजनिक भएको हो ।

यहाँ एक दाजुले आफ्नाी बहिनी र उनका प्रेमीको चक्कुले प्रहार गरी हत्या गर्दा हेर्ने मानिसहरुले रमाइलो मान्दै भिडियो बनाएका छन् ।

तमाशा हेर्ने ठूलो भीड जम्मा हुँदा पनि कसैलाई ती दुईलाई बचाउने कुनै प्रयास गरेनन् ।महाराष्ट्रको नांदेड जिल्लामा यस्तो घटना भएको हो ।

त्यहाँको थेरबन गाउँकी पूजा असानेको डेढ महिना पहिले जेठिबा वर्षावार नामका युवकसँग बिहे भएको थियो ।

बिहेअघि उनको गोविन्द नामका युवकसँग प्रेम थियो । बिहेपछि पनि पूजा निरन्तर गोविन्दसँग भेट्ने गर्थिन् ।

केही दिन पहिले उनीहरु भागेर तेलंगना गएका थिए ।घाइते पूजाले मद्दतको लागि निकै गुहार मागिन् तर कोही मद्दतको लागि अगाडि आएनन् ।

केही बेर तड्पिएपछि पूजाको सडकमै ज्यान गयो । दुवैको हत्या गरेपछि दिगंबरले प्रहरीमा गएर आत्मसमर्पण गरेका छन् ।

भिडियो हेर्नुहोस्

‘ह्वाट डु यु मिन ?’ भन्दा ‘यो अमेरिका हो ?’ भन्दै प्रहरीले लात्ती बजार्यो, पेटमा ५२ टाँका

 

प्रहरी जवान प्रेमबहादुर विष्ट र बुद्धबहादुर थापाको कुटाइबाट गम्भीर घाइते भएका बाग्लुङको गलकोट नगरपालिका ६ हरिचौरका सोमबहादुर बस्नेतको मेजर सर्जरी (अप्रेसन)भएको छ ।

प्रहरीको कुटाईबाट पेटमा गम्भीर चोट लागेका ४० वर्षीय बस्नेतको पोखरास्थित फेवासिटी अस्पतालको आइसियु कक्षमा उपचार भइरहेको हो ।

पेटमा ठूलो चोट परेकोले फियो (पेट भित्रको अंग) च्यातिएर रगत बगिरहेको उपचारमा संलग्न सर्जन डा. सुरेशराज पौडलले बताए ।

‘उहाँको पेटमा दुई लिटर जति रगत फैलिएको थियो,’ उनले भने, ‘लाइफ सेभिङ अप्रेसन गरिएको हो । पेटको रगत सफा भएको छ । बिरामीको अवस्था सुधारोन्मुख हुँदै गएको छ ।’

अप्रेसनपछि बस्नेतले पानी, झोल पदार्थ खाइरहेको डाक्टर पौडेलले बताए । उपचारका लागि बस्नेतकी श्रीमती कृष्णकुमारीसहित आफन्त पोखरामा छन् ।

बस्नेतको मेजर अप्रेसन भएकाले पेटभरीमा झण्डै ५२ टाँका लगाइएको परिवार स्रोतले जानकारी दियो । प्रहरीको प्रत्यक्ष निगरानीमा बस्नेतको उपचार भइरहेको छ ।

के हो घटना ?

सोमबहादुर बस्नेत, कृष्णबहादुर खत्री र बिक्की गैरे २९ पुसमा गलकोट नगरपालिकाको–६ बाट ३ नम्बर वडातर्फ झोलुङे पुल हुँदै जाँदै थिए ।

हरिचौर प्रहरी बिटमा कार्यरत प्रहरी जवानद्वय प्रेमबहादुर विष्ट र बुद्धबहादुर थापासँग उनीहरुको बाटोमै जम्काभेट भयो ।

बिक्कीलाई प्रहरीले अपशब्द प्रयोग गरेर बोलाए । कृष्णबहादुर खत्रीका अनुसार आफूहरु तीनजनाले मदिरा सेवन गरेको भए पनि प्रहरीलाई नराम्रो नबोलेको बताउँछन् ।

‘हाम्रो साथी बिक्कीसँग प्रहरीको चिनचान रहेछ’, उनले भने, ‘प्रहरीले अपशब्द प्रयोग गरेर बोलायो, सोमले ह्वाट् डु यु मिन भनेपछि अंग्रेजीमा कुरा गर्छस्, ठूलो बन्छस् । यो अमेरिका हो भन्दै कुटे ।’

बिक्कीको प्रहरीसँग चिनेजानेको भएकाले उसलाई केही नगरेको खत्रीले बताए । आफूलाई र सोमलाई बुट र लाठी बजारेको उनको भनाई छ ।

‘मैले अलिअलि पन्च ब्लक गरे, सोमको पहिले पनि हात अप्रेसन गरेको थियो, उ अलि कमजोर नै हो । उसले छेक्न सकेन । सोममाथि प्रहरी जाइलागे’, उनले थपे ।

युनिफर्मसहित ड्युटीमा खटिएका प्रहरीले बिना कारण रिस पोखेको उनले सुनाए । प्रहरी एकाएक आवेशमा आएर कुटपिट ग¥यो । ‘हाम्रो गल्ती भए चौकीमा लैजानुस भन्दाभन्दै सोमलाई घाइते हुनेगरी कुटे दुःख लागेको छ ।’

राष्ट्रसेवक प्रहरी आफ्नो दायित्व बिर्सेर जनतामाथि अन्याय गरेको गलकोट नगरपालिका–६ की सदस्य मनकुमारी पाण्डेले आरोप लगाइन् ।

वडाले घटनामा संलग्न प्रहरी माथि कारवाहीको माग गरेको उनले जानकारी दिइन ।

कुटपिटमा संलग्न भएको आरोप लागेका प्रहरी जवानद्वय विष्ट र थापालाई इलाका प्रहरी कार्यालय हरिचौरमा थप अनुसन्धानका लागि तानिसकिएको जिल्ला प्रहरी कार्यालय बागलुङका प्रमुख तथा एसपी बिनोद रेग्मीले जानकारी दिए ।

‘ड्युटीमा खटिएको प्रहरीले उनीहरुलाई कुटेको भन्ने जानकारीमा आएको छ’, एसपी रेग्मीले भने, ‘पुरानै रिसिइबी हो कि आवेशमा आएर तत्कालै प्रतिक्रिया जनाउँदा त्यस्तो घटना भएको भन्नेबारे अनुसन्धान भइरहेको छ ।’

मदिरा सेवन गरेर आएका व्यक्तिसँग सामान्य भनाभनमै प्रहरीले अनुचित बल प्रयोग गरेको भन्ने पुष्टि भएमा विभागिय कारवाहीका लागि प्रहरी जवानद्वयलाई जिल्ला तानिने एसपी रेग्मीले जानकारी दिए ।