बस सडकबाट १०० मिटर तल खस्दा दुर्घटना, ४ जनाको मृत्यु
विहीवार विहान पर्वतमा बस दुर्घटना हुँदा ४ जनाको मृत्यु भएको छ।
बेनीबाट नारायणघाटतर्फ जाँदै गरेको ग १ प ६१०८ नम्बरको बस कुश्मा नगरपालिका वडा नम्बर १ मालढुंगामा दुर्घटना भएको जिल्ला ट्राफिक प्रहरी कार्यालयले जानकारी दिएको छ।
बस सडकबाट १०० मिटर तल खसेको कार्यालयका निमित्त प्रमुख रामकृष्ण गौलीले जानकारी दिएका छन् ।
‘४ जनाको मृत्यु भइसकेको छ’, उनले भने, ‘घाइतेलाई धौलागिरी अञ्चल अस्पताल बागलुङ लगिएको छ।’
मृतकको सनाखत हुन सकेको छैन। बसमा कति सवार थिए र कति घाइते भन्ने विस्तृत विवरण आउन बाँकी रहेको जानकारी दिएका छन् ।
कुनै नयाँ काम गर्नुअघि मनन गर्नुस् यी कुरा, सफलता पाउनुहुनेछ
कुनै पनि नयाँ काम शुरु गर्नुअघि हामी प्रायः दुविधामा फँस्छौं – यस कामले सफलता देला कि नदेला ? आचार्य चाणक्यका नीतिहरूलाई अनुसरण गर्दा चाहिँ कुनै दुविधा रहँदैन ।
चाणक्य प्राचीन भारतवर्षका बुद्धिमान्, चतुर र प्रसिद्ध अर्थशास्त्री थिए । उनले बताएका नीतिहरू अहिलेसम्म पनि सान्दर्भिक छन् ।
तीन सोच
कुनै पनि काम शुरु गर्नुअघि मनमा यी कुरा खेलाउनुपर्छ : १. काम शुरु गर्ने समय र स्थान, २. तपाईंको सम्पत्ति ३. समर्थन गर्ने मानिसहरू ।
क्षमताको लेखाजोखा
काम गर्ने आफ्नो क्षमता छ कि छैन, त्यसको लेखाजोखा गर्नुहोला । गर्नुभएन भने तपाईं अवश्य खतरामा पर्नुहुन्छ ।
जिभ्रोमा नियन्त्रण
सफलता र असफलता जिभ्रो नियन्त्रणमा छ कि छैन भन्ने कुराले निर्धारण गर्छ । जति मीठो बोल्नुहुन्छ, तपाईंलाई त्यति धेरै फाइदा हुन्छ ।
दुश्मनलाई साथी बनाउने
मानिससँग राम्रो व्यवहार गर्नुभयो भने दुश्मन पनि साथी बन्छन् । यसो गर्नुभयो भने तपाईंलाई सफल हुनबाट कसैले रोक्न सकदैन ।
शरीरको हेरचाह
भगवानले दिएको उपहार हो शरीर । त्यसैले कुनै नयाँ प्रोजेक्ट शुरु गर्नुअघि आफू स्वस्थ छु कि छुइन हेर्नुस् ।
ज्योतिषीसँग परामर्श
काम शुरु गर्नुअघि विद्वान् ज्योतिषीसँग सल्लाह लिनु उपयुक्त हुन्छ ।
पत्नीसँग सल्लाह
विवाह गरेका पुरुषले नयाँ काम शुरु गर्दा श्रीमतीसँग सल्लाह लिनु उपयुक्त हुन्छ । आखिर उनी जीवनसंगिनी हुन् । उनले उचित सल्लाह नै दिन्छिन् ।
रहस्य लुकाउनुस्
काम शुरु गर्नुअघि आफ्ना विचार कसैसँग पनि नबाँड्नुहोला । यसरी प्लान अरूलाई सुनाउँदा तपाईं कहिल्यै सफल हुनुहुन्न ।
अशिष्ट पनि बन्नुपर्छ
जिन्दगीमा सफल हुनका लागि तपाईंले कडा निर्णय पनि लिनुपर्ने हुन्छ । यसका लागि अशिष्ट व्यवहार गर्नुप–यो भने पनि पछि नपर्नुस्।
